മേഘ്ന രാജിന്‍റെ ബ്യൂട്ടിഫുള്‍ കാര്‍

Updated: Saturday, August 30, 2014, 14:03 [IST]

ബ്യൂട്ടിഫുള്ളിലെ മികച്ച പ്രകടനം മേഘ്ന രാജിന് മലയാളത്തില്‍ വന്‍ അവസരങ്ങളാണ് ഒരുക്കിക്കൊടുക്കുന്നത്. ന്യൂജനറേഷനും ഓള്‍ഡ് ജനറേഷനുമായി നിരവധി ചിത്രങ്ങള്‍ മേഘ്ന രാജിന്‍റേതായി പുറത്തിറങ്ങാനിരിക്കുന്നു. പുതുതായി കേള്‍ക്കുന്ന വാര്‍ത്തകള്‍ പറയുന്നതു പ്രകാരം ഓള്‍ഡ് ജനറേഷന്‍ താരമായ ലാലേട്ടന്‍ മേഘ്നയെ തന്‍റെ പുതിയ പടമായ റെഡ് വൈനിലേക്കാണ് ക്ഷണിച്ചിട്ടുള്ളത്.

യക്ഷിയും ഞാനും തമ്മില്‍ എന്ന വിനയന്‍ ചിത്രത്തിലാണ് മേഘ്ന ആദ്യമായി അഭിനയിക്കുന്നത്. വിനയന്‍റെ പ്രതിഭാവിലാസം അഴിഞ്ഞാടിയ പ്രസ്തുത സിനിമയോടെ മേഘ്നയുടെ മലയാളഭാവി അവസാനിച്ചെന്നാണ് എല്ലാവരും കരുതിയത്. എന്നാല്‍ ഏത് കൂതറ പടത്തിലഭിനയിച്ചാലും കഴിവുള്ളവര്‍ രക്ഷപ്പെടാതിരിക്കില്ല എന്നതിന്‍റെ ദൃഷ്ടാന്തമായി മേഘ്ന മാറുകയായിരുന്നു.

വികെ പ്രകാശ് എന്ന മികച്ച സംവിധായകന്‍റെ കൈയില്‍ കിട്ടിയതോടെ മേഘ്നയുടെ മുഖച്ഛായതന്നെ മാറി. ബ്യൂട്ടിഫുള്‍ എന്ന ചിത്രം മേഘ്നയ്ക്ക് മികച്ചൊരു പ്രതിച്ഛായയാണ് സൃഷ്ടിച്ചുകൊടുത്തത്. കന്നഡ, തമിഴ് സിനിമകളില്‍ അഭിനയിച്ചുവന്നിരുന്ന മേഘ്നയെ സംവിധായകന്‍ കെ ബാലചന്ദറാണ് സിനിമയിലേക്ക് ക്ഷണിച്ചത്. 2006ല്‍. മേഘ്നയുടെ അച്ഛനുമമ്മയും അഭിനേതാക്കളാണ്. കന്നഡയും തമിഴും നന്നായി സംസാരിക്കാനുമറിയാം മേഘ്നയ്ക്ക്. ആകെമൊത്തത്തില്‍ ആളൊരു മിടുക്കിയാണ്.

കാറുകളോടുള്ള മേഘ്നയുടെ താല്‍പര്യം അധികമാര്‍ക്കും അറിയാത്ത കാര്യമാണ്. മേഘ്നയുടെ കാര്‍ വിശേഷങ്ങളാണ് താഴെ.