Click it and Unblock the Notifications
പ്യാജിയോ മൈക്രോ കാര് ഇന്ത്യയില് നിര്മിക്കും
പുതിയ വാര്ത്തകള് പറയുന്നത് ഈ ഇറ്റാലിയന് ബ്രാന്ഡിന്റെ ആദ്യ കാര് ഇന്ത്യയില് നിര്മിക്കുമെന്നാണ്. ഇന്ത്യയെ കമ്പനിയുടെ 'നിര്മാണ ഹബ്' ആക്കി മാറ്റാനുള്ള പ്രവര്ത്തനങ്ങളാണ് നടക്കുന്നത്. ഇന്ത്യയില് നിന്ന് യൂറോപ്യന് വിപണിയിലെക്ക് കയറ്റി അയയ്ക്കുക എന്നതാണ് ലക്ഷ്യം. ഇന്ത്യയുടെ ചെലവ് കുറഞ്ഞ മനുഷ്യവിഭവശേഷിയും മറ്റ് റിസോഴ്സുകളും ഉപയോഗിക്കുക എന്നതായിരിക്കണം പ്യാജിയോ മനസ്സില് കാണുന്നത്.
യൂറോപ്പിന്റെ തിരക്കേറിയ നഗരങ്ങളില് മികച്ച രീതിയില് കൈകാര്യം ചെയ്യാന് സാധിക്കും എന്നതാണ് പ്യാജിയോയുടെ കാറിനുള്ള മികവ്. ഈ ഗുണത്തിലൂന്നി കാറുകള്ക്ക് വിപണി കണ്ടെത്താമെന്നാണ് പ്രതീക്ഷ. മൈക്രോ കാറുകള്ക്ക് ഇന്ത്യന് വിപണിയിലെ സാധ്യത താരതമ്യേന കുറവാണ്. ഏതാണ്ട് അഞ്ച് ലക്ഷം രൂപ വില വരുന്ന ഈ മൈക്രോ കാറിന് ഇന്ത്യയില് കാര്യമായ ചലനങ്ങള് ഉണ്ടാക്കാന് കഴിയില്ല.
ഇറ്റലി അടക്കമുള്ള യൂറോപ്യന് രാജ്യങ്ങളില് ഡൈംലറിന്റെ സ്മാര്ട് ചെറുകാറാണ് മൈക്രോ കാര് സെഗ്മെന്റ് അടക്കിവാഴുന്നത്. ഇന്ത്യന് വിപണിയില് മൈക്രോ കാറിന്റെ പ്രവേശത്തെക്കുറിച്ച് കമ്പനി ഇതുവരെയും ഒന്നും വെളിപ്പെടുത്തിയിട്ടില്ല.
Continue with Google