ബാംഗ്ലൂര്‍ ഡിസൈനറുടെ ഗ്രാന്‍ഡ് പ്രീ ട്രോഫി

ഇന്ത്യന്‍ സൗന്ദര്യശാസ്ത്രത്തിലൂന്നി ഒരു ആധുനികമായ ശില്‍പം നിര്‍മിക്കുകയായിരുന്നു മൈക്കേല്‍ ഫോളി ചെയ്തത്. മധ്യത്തിലുള്ള ഒരു അലുമിനിയം രൂപത്തിനു ചുറ്റുമായി കുത്തനെ വിന്യസിക്കപ്പെട്ട ആരങ്ങള്‍ അടങ്ങുന്നതാണ് ഈ ശില്‍പം.

24 ആരങ്ങള്‍ ട്രോഫിയിലുണ്ട്. അശോകചക്രത്തിന്റെ 24 ആരങ്ങളെയാണ് ഇത് പ്രതിനിധീകരിക്കുന്നത്.

ഇന്ത്യന്‍ ദേശീയ പതാകയുടെ മൂന്ന് നിറങ്ങള്‍ ട്രോഫിയില്‍ കാണാവുന്നതാണ്.

മെറ്റാലിക് റെഡ്, സില്‍വര്‍, കറുപ്പ് നിറങ്ങളുടെ ചേരുവയാണ് ട്രോഫിയുടെ വര്‍ണപദ്ധതി. അയേണ്‍ പ്ലേറ്റിംഗ്, അനൊഡൈസിംഗ് എന്നി സാങ്കേതികതകളാണ് നിറങ്ങള്‍ പൂശുന്നതിനായി ഉപയോഗിച്ചത്.

വലിയ തോതില്‍ ഭാരക്കുറവുള്ള എയര്‍ക്രാഫ്റ്റ് ഗ്രേഡ് അലൂമിനിയം കൊണ്ടാണ് ട്രോഫിയുടെ നിര്‍മാണം. അടിവശം നിര്‍മിച്ചിരിക്കുന്നത് ഉരുക്കു കൊണ്ടാണ്.