Click it and Unblock the Notifications
സെവന്നെ അഥവാ ഒരു ആധുനിക ക്ലാസിക്
വിന്റേജ് കാറിന്റെ സൗന്ദര്യമാണ് പിജിഒ ഓട്ടോമൊബൈലിന്റെ മോഡലുകള്ക്കെല്ലാമുള്ളത്. 1985ല് മാത്രം രൂപം കൊണ്ട ഈ കമ്പനി 'റിട്രോ' സൗന്ദര്യത്തെ മനപ്പൂര്വം സ്വന്തമാക്കുകയായിരുന്നു. ആകെ മൂന്ന് മോഡലുകളാണ് കമ്പനിക്കുള്ളത്. ഓരോന്നും എണ്ണം പറഞ്ഞ നിര്മിതികളായതിനാല് ലോകത്തെമ്പാടും പിജിഒ കാറുകള്ക്ക് വന് ആരാധകനിരയാണുള്ളത്. ഡിസൈനില് കഴിഞ്ഞകാല സൗന്ദര്യം പകരുമ്പോള് സാങ്കേതികതയില് അത്യാധുനികമാണ് ഈ വാഹനങ്ങള്.
പിജിഒ-യില് നിന്നു വരുന്ന പുതിയ വാര്ത്ത സെവന്നെ സ്പീഡ്സ്റ്ററിന്റെ (Cevennes Speedster) 2013 പതിപ്പ് ലോഞ്ചിനെക്കുറിച്ചാണ്. നേരത്തെ പറഞ്ഞപോലെ ഡിസൈനില് അതേ "കഴിഞ്ഞകാല" ഫീല് നിലനിര്ത്തിയിരിക്കുന്നു.
1.6 ലിറ്റര് 4 സിലിണ്ടര് ടര്ബോചാര്ജ്ഡ് ഡീസല് എന്ജിനാണ് വാഹനത്തില് ഘടിപ്പിച്ചിരിക്കുന്നത്. 181 കുതിരശക്തിയാണ് എന്ജിന് പകരുന്നത്. മണിക്കൂറില് 225 കിലോമീറ്റര് വേഗതയില് പായാന് ഈ വാഹനത്തിന് സാധിക്കും.
എല്ലാ കാര് പ്രണയികള്ക്കും ഈ വാഹനത്തിന്റെ ഡിസൈന് ഇഷ്ടമാകണമെന്നില്ല. ക്ലാസിക് സൗന്ദര്യത്തിന്റെ ആരാധകരെ പക്ഷെ, ഈ വാഹനം ആകര്ഷിക്കാതിരിക്കില്ല.
Continue with Google