അശോക് ലെയ്‌ലന്‍ഡ് സ്‌റ്റൈല്‍ ഗൂസന്‍ അവതരിപ്പിച്ചു

2012 ഓട്ടോ എക്‌സ്‌പോയിലാണ് സ്‌റ്റൈല്‍ എംപിവി ആദ്യമായി അവതരിപ്പിക്കപ്പെട്ടത്.

യാത്രാവാഹന നിരയില്‍ ടവേര, ഇവാലിയ, ഇന്നോവ, സൈലോ തുടങ്ങിയ വാഹനങ്ങളാണ് സ്‌റ്റൈലിന്റെ എതിരാളികളായി പരിഗണിക്കേണ്ടത്. 1.5 കെ9കെ ഡീസല്‍ എന്‍ജിനിലാണ് അശോക് ലെയ്‌ലന്‍ഡ് സ്‌റ്റൈല്‍ വരിക. 75 കുതിരകളുടെ കരുത്തും 185 എന്‍എം ചക്രവീര്യവും ഈ എന്‍ജിനുണ്ട്.

വിലനിലവാരം ഇതുവരെ പുറത്തുവന്നിട്ടില്ല. ഇവാലിയയെക്കാള്‍ കുറഞ്ഞ വിലയില്‍ വാഹനം എത്തിക്കുമെന്നാണ് പ്രതീക്ഷ. എന്നാല്‍ ഇത് നിസ്സാന് നല്‍കുന്ന റോയല്‍റ്റി തുക അടക്കമുള്ള കാര്യങ്ങളെ ആശ്രയിച്ചിരിക്കും.

ഇവാലിയയില്‍ നിന്ന് വ്യത്യസ്തമായ ഹെഡ്‌ലാമ്പുകളും ഗ്രില്ലുമാണ് വാഹനത്തിനുള്ളത്. ഇന്റീരിയറില്‍ കാര്യമായ വ്യത്യാസങ്ങളൊന്നും വരുത്തിയിട്ടില്ല.