ബിഎംഡബ്ല്യു വണ്‍ സീരീസ് സച്ചിന്‍ ലോഞ്ച് ചെയ്തു

നാല് ട്രിമ്മുകളില്‍ ബിഎംഡബ്ല്യു വണ്‍ സീരീസ് ലഭ്യമാണ്.

• 116ഐ ബേസ് ട്രിം (പെട്രോള്‍): 20.9 ലക്ഷം
• 118ഡി (ഡീസല്‍): 22.9 ലക്ഷം
• 118ഡി സ്‌പോര്‍ട്‌ലൈന്‍ (ഡീസല്‍): 25.9 ലക്ഷം
• 118ഡി സ്‌പോര്‍ട് പ്ലസ് (ഡീസല്‍): 29.9 ലക്ഷം



എന്‍ജിന്‍

1.6 ലിറ്റര്‍ ടര്‍ബോ പെട്രോള്‍ എന്‍ജിന്‍ 136 കുതിരശക്തി പകരുന്നു. 220 എന്‍എം വീര്യമാണ് ചക്രങ്ങളിലേക്ക് എന്‍ജിനെത്തിക്കുക. എആര്‍എഐ സര്‍ട്ടിഫൈ ചെയ്യുന്നത് പ്രകാരം 16.28 കിലോമീറ്റര്‍ മൈലേജ് നല്‍കുന്നുണ്ട് വാഹനം.



എന്‍ജിന്‍

2 ലിറ്ററിന്റെ ഡീസല്‍ എന്‍ജിന്‍ പകരുന്നത് 143 കുതിരശക്തിയാണ്. 320 എന്‍എം ചക്രവീര്യവും ഈ എന്‍ജിന്‍ എത്തിക്കുന്നു. ലിറ്ററിന് 20.58 കിലോമീറ്റര്‍ മൈലേജ്. രണ്ട് എന്‍ജിന്‍ വേരിയന്റുകള്‍ക്കുമൊപ്പം സെഡ്ടി 8 സ്പീഡ് ഓട്ടോമാറ്റിക് ട്രാന്‍സ്മിഷന്‍ ഘടിപ്പിച്ചിരിക്കുന്നു.



നാല് ഡ്രൈവിംഗ് മോഡുകളില്‍ വാഹനമോടിക്കാനുള്ള സൗകര്യം നല്‍കുന്നുണ്ട് വണ്‍ സീരീസ്. കംഫര്‍ട്, സ്‌പോര്‍ട്, സ്‌പോര്‍ട് പ്ലസ്, ഇക്കോ പ്രോ എന്നിങ്ങനെ. കംഫര്‍ട് മോഡ് ദൈനംദിന ഡ്രൈവുകള്‍ക്ക് ഉപകരിക്കുമ്പോള്‍ ഇക്കോ പ്രോ മോഡ് ഇന്ധനലാഭം നല്‍കുന്നു. സ്‌പോര്‍ട്, സ്‌പോര്‍ട് പ്ലസ് മോഡുകളിലിട്ടാല്‍ സസ്‌പെന്‍ഷന്‍ കടുത്തതായിത്തീരും. ഓഫ് റോഡിംഗ് ആവശ്യങ്ങള്‍ക്ക് ഈ മോഡ് ഉപയോഗിക്കാവുന്നതാണ്.



വേരിയന്റുകള്‍

116ഐ പെട്രോള്‍

ഇതാണ് വണ്‍ സീരീസിന്റെ ബേസ് വേരിയന്റ്. ഫോഗ് ലാമ്പുകള്‍, ഓട്ടോമാറ്റിക് ഹെഡ്ലൈറ്റുകള്‍, റിയര്‍ പാര്‍ക്കിംഗ് സെന്‍സറുകള്‍, 16 ഇഞ്ച് അലോയ്കള്‍, എബിഎസ്, ആറ് എയര്‍ബാഗുകള്‍, സ്റ്റാര്‍ട്-സ്റ്റോപ് സന്നാഹം, ഇക്കോ മോഡ് ഡ്രൈവിംഗ് എന്നീ സവിശേഷതകള്‍ ഈ അടിസ്ഥാന പതിപ്പിനോട് ചേർത്തിരിക്കുന്നു. ബ്രേക് എനർജി റീജനറേഷന്‍ സംവിധാനം ഈ പതിപ്പിലുണ്ട്.



വേരിയന്റുകള്‍

118ഡി സ്പോര്‍ട് ലൈന്‍

ഡ്യുവല്‍സോണ്‍ കാലാവസ്ഥാ നിയന്ത്രണം, ഇലക്ട്രിക് സീറ്റ് അഡ്ജസ്റ്റര്‍, സീറ്റ് മെമറി സംവിധാനം, ബിഎംഡബ്ല്യു ഐഡ്രൈവ് ഇന്‍ഫോടെയ്ന്‍മെന്റ് സിസ്റ്റം തുടങ്ങിയ സന്നാഹങ്ങള്‍ ഈ പതിപ്പില്‍ കാണാം



വേരിയന്റുകള്‍

118 സ്പോര്‍ട് പ്ലസ്

ഏറ്റവും ഉര്‍ന്ന വേരിയന്‍റാണിത്. കീലെസ് ഇഗ്നീഷ്യന്‍, റിയര്‍ എസി വെന്റുകള്‍, 17 ഇഞ്ച് അലോയ് വീലുകള്‍, പനോരമിക സണ്‍റൂഫ് എന്നിവ ഈ പതിപ്പിന്റെ സവിശേഷതകളാണ്.