Click it and Unblock the Notifications
ഡാറ്റ്സന് ഗോ പ്ലസ് എംപിവി അവതരിച്ചു
ഡാറ്റ്സനില് നിന്നുള്ള രണ്ടാമത്തെ മോഡല് ഇന്തോനീഷ്യന് വിപണിയിലറങ്ങി. ഗോ ഹാച്ച്ബാക്കിന്റെ അതേ പ്ലാറ്റ്ഫോമില്, വീല്ബേസില് മാറ്റം വരുത്താതെ ഒരു എംപിവി അവതരിപ്പിച്ചിരിക്കുകയാണ് ഡാറ്റ്സന്.
ഡാറ്റ്സന് ഗോ+ എന്നാണ് ഈ എംപിവിയുടെ പേര്. 2450 എംഎം എന്ന ഗോ ഹാച്ച്ബാക്കിന്റെ വീല്ബേസ് അതേപടി നിലനിര്ത്തിയിരിക്കുന്നു ഡാറ്റ്സന് ഗോ+. താഴെ ചിത്രങ്ങള്ക്കൊടുവില് ഡാറ്റ്സന് ഗോ+വീഡിയോയും കാണാം.
5+2 സീറ്റിംഗ് സംവിധാനത്തിലാണ് ഡാറ്റ്സന് ഗോ+ വരുന്നത്. 3,995 മില്ലിമീറ്റര് നീളമാണ് വാഹനത്തിന് മൊത്തത്തിലുള്ളത്.
100 ദശലക്ഷം ഇന്തോനീഷ്യന് റുപ്പിയയാണ് വാഹനത്തിന് വില. ഇന്നത്തെ ഇന്ത്യന് നിലവാരത്തില് ഇത് 5.5 ലക്ഷം രൂപയാണ്. ഇന്തോനീഷ്യയില് എര്ര്റിഗ ഹാച്ച്ബാക്കിനെ ഈ വാഹനത്തിന്റെ ലോഞ്ച് വലിയ തോതില് ബാധിക്കും എന്ന കാര്യത്തില് സന്ദേഹിക്കേണ്ടതില്ല. ഹോണ്ട ലോഞ്ച് ചെയ്യാനിരിക്കുന്ന ബ്രിയോ എംപിവിക്കും ഗോ+ മികച്ച വെല്ലുവിളി തീര്ക്കും.
ഡാറ്റ്സന് ഗോ ഹാച്ച്ബാക്കിലും മൈക്ര ഹാച്ചിലും ഉപയോഗിക്കുന്ന 1.2 ലിറ്റര് എന്ജിന് തന്നെയാണ് ഗോ+ എംപിവിയില് ഘടിപ്പിച്ചിരിക്കുന്നത്. ഒരു ഡീസല് എന്ജിന് കൂടി വരാനുണ്ടെങ്കിലും ഇതിന്റെ വിശദാംശങ്ങള് ലഭ്യമല്ല. ഡീസല് എ്#ജിനോട് 5 സ്പീഡ് മാന്വല് ഗിയര്ബോക്സ് ഘടിപ്പിച്ചിരിക്കുന്നു.
എഴ് പേര്ക്കിരിക്കാവുന്ന തരത്തിലാണ് സീറ്റുകളുടെ ക്രമീകരണം. ഇവയില് പിന്നിലെ രണ്ട് സീറ്റുകളില് കുട്ടികളെ ഇരുത്താന് കഴിയുന്നതായിരിക്കും. ഗോ ഹാച്ച്ബാക്കിലുള്ള സ്മാര്ട്ഫോണ് ഡോക്കിംഗ് സ്റ്റേഷന് ഈ വാഹനത്തിലും കാണാവുന്നതാണ്.
ചിത്രങ്ങളില് കാണുന്നത് പ്രകാരം നടുവിലെ കാബിനില് മതിയാ ലെഗ്റൂം ഉണ്ടെന്നു കാണാം. പിന്നിലെ സാറ്റുകള് നേരത്തെ പറഞ്ഞതുപോലെ കുട്ടികളെ ഇരുത്താന് ഉപകരിക്കും. ഈ സീറ്റുകള് മടക്കിവെച്ച് ബൂട്ട് സ്പേസ് വര്ധിപ്പിക്കാന് കഴിയും.
പിന്വശത്ത് ഗോ ഹാച്ച്ബാക്കിന്റേതിന് സമാനമായ ഹാച്ച് ഡോറുകള് കാണാം. ഇത് നിര്മാണത്തിന്റെ ചെലവ് ചുരുക്കാന് സഹായകമാകും.
ഡാറ്റ്സന് ഗോ എംപിവി വീഡിയോ
ഡാറ്റ്സന് ഗോ എംപിവി വീഡിയോ
Continue with Google