ചെറിയ അംബാസ്സഡര്‍ അടുത്ത വര്‍ഷം

പേര്

പുതിയ വാഹനത്തിന്റെ പേര് ഇപ്പോഴും തീരുമാനിച്ചിട്ടില്ലെന്ന് ബോസ് വ്യക്തമാക്കി. നിലവില്‍ ഉപയോഗിച്ചുവരുന്ന എന്‍ജിന്‍ ചില ട്യൂണിംഗ് വ്യതിയാനങ്ങളോടെ പുതിയ വാഹനത്തില്‍ ഘടിപ്പിക്കുകയാണ് ചെയ്യുക. 1.5 ലിറ്റര്‍ ഡീസല്‍ എന്‍ജിന്‍ നാലാം കരിമ്പുകച്ചട്ടം അനുസരിക്കുന്നതായിരിക്കും.

(ചിത്രത്തില്‍ ഡിസി ഡിസൈന്‍ മോഡിഫൈ ചെയ്ത അംബാസ്സഡര്‍ കാര്‍)

കുതിരശക്തി

4000 ആര്‍പിഎമ്മില്‍ 48.6 കുതിരകളുടെ കരുത്താണ് എന്‍ജിന്‍ ഉല്‍പാദിപ്പിക്കുക. 2000 ആര്‍പിഎമ്മില്‍ 112.5 എന്‍എം ചക്രവീര്യവും എന്‍ജിന്‍ പകരും.

വില

നാലാം കരിമ്പുകച്ചട്ടത്തിനുള്ളതുപോലെ പവര്‍ സ്റ്റീയറിംഗ്, പവര്‍ വിന്‍ഡോകള്‍ തുടങ്ങിയ ആധുനിക സവിശേഷതകള്‍ 4 മീറ്റര്‍ പതിപ്പിലും ഉണ്ടായിരിക്കും. 4 ലക്ഷത്തിന്റെ പരിസരത്തിലായിരിക്കും വില കാണുക എന്നാണ് പ്രതീക്ഷിക്കുന്നത്.

പേര് മാറ്റം

പശ്ചിമ ബംഗാളിലും മധ്യപ്രദേശിലും ചെന്നൈയിലും എച്ച്എംഎലിന് പ്ലാന്റുകളുണ്ട്. എന്നാല്‍ പശ്ചിമ ബംഗാളിലാണ് അംബാസ്സഡര്‍ കാറുകള്‍ ഉല്‍പാദിപ്പിക്കുന്നത്. ഈ പ്ലാന്റിന് ഒരു സാമ്പത്തിക പങ്കാളിയെ അന്വേഷിക്കുന്നുണ്ട് കമ്പനി. ഇതോടൊപ്പം ഹിന്ദുസ്ഥാന്‍ മോട്ടോഴ്‌സ് ലിമിറ്റഡ് എന്ന പേര് മാറ്റ് ഹിന്ദുസ്ഥാന്‍ മോട്ടോഴ്‌സ് ബംഗാള്‍ ലിമിറ്റഡ് എന്ന പേര് സ്വീകരിക്കുവാനുള്ള ആലോചനകളും നടന്നുവരുന്നുണ്ട്. ചെന്നൈ പ്ലാന്റില്‍ മിത്സുബിഷിയുമായി ചേര്‍ന്നാണ് പ്രവര്‍ത്തനങ്ങള്‍ നടത്തുന്നത് എന്നതിനാല്‍ സാമ്പത്തിക പങ്കാളിത്തം പശ്ചിമബംഗാള്‍ പ്ലാന്റില്‍ മാത്രമായി ഒതുങ്ങും. എസ്‌യുവി നിര്‍മാതാക്കളായ ഇസുസുവും ചെന്നൈ എച്ച്എം പ്ലാന്റ് ഉപയോഗിക്കുന്നുണ്ട്. സികെ ബിര്‍ല ഗ്രൂപ്പിന്റെ ഉടമസ്ഥതയിലാണ് ഹിന്ദുസ്ഥാന്‍ മോട്ടോഴ്‌സ് പ്രവര്‍ത്തിക്കുന്നത്.