ഹോണ്ട വെസെല്‍ ലോഞ്ച് ചെയ്തു

രണ്ട് എന്‍ജിന്‍ ഓപ്ഷനുകളാണ് ജപ്പാനില്‍ വെസെലിന് നല്‍കുന്നത്. പെട്രോളും പെട്രോള്‍ ഹൈബ്രിഡും. ഇന്ത്യയില്‍ ഹൈബ്രിഡ് വരില്ല. പെട്രോള്‍ പതിപ്പിനോടൊപ്പം 1.5 ലിറ്റര്‍ ഡിസല്‍ എന്‍ജിന്‍ ഘടിപ്പിച്ച പതിപ്പും എത്തിച്ചേരും.

2014ല്‍ ഇന്ത്യന്‍ വിപണിയിലേക്ക് വെസെല്‍ വരും. ജപ്പാനില്‍ ഹോണ്ട വെസെലിന്റെ പെട്രോള്‍ പതിപ്പിനോടൊപ്പം രണ്ട് ഓട്ടോമാറ്റിക് ഗിയര്‍ബോക്‌സുകള്‍ ഘടിപ്പിച്ചു നല്‍കുന്നുണ്ട്. ടൂ വീല്‍ ഡ്രൈവിലും ഫോര്‍ വീല്‍ ഡ്രൈവിലും വാഹനം ലഭിക്കും.

1.5 ലിറ്റര്‍ പെട്രോള്‍ എന്‍ജിനോടൊപ്പം ഇലക്ട്രിക് മോട്ടോര്‍ ചേര്‍ത്തതാണ് മറ്റൊരു വെസെല്‍ പതിപ്പ്. ഇത് ഇന്ത്യയിലേക്ക് വരില്ല. ഉയര്‍ന്ന പവറും മൈലേജും വാഗ്ദാനം ചെയ്യുന്നുണ്ട് ഈ പതിപ്പ്.

പെട്രോള്‍ എന്‍ജിന്‍ പകരുന്നത് 20.6 കിലോമീറ്റര്‍ (ടൂ വീല്‍ ഡ്രൈവ്) മൈലേജാണ്. ഫോര്‍ വീല്‍ ഡ്രൈവില്‍ 19 കിലോമീറ്റര്‍ മൈലേജ് ലഭിക്കും. ഹൈബ്രിഡ് പതിപ്പ് 27 കിലോമീറ്റര്‍ മൈലേജ് പകരുന്നുണ്ട്.