ആ പഴയ വില്ലീസ് കാലം തിരിച്ചുവരുന്നു

ജീപ്സ്റ്റര്‍

ജീപ്സ്റ്റര്‍ എന്ന പേര് ജീപ്പിനെ സംബന്ധിച്ചിടത്തോളം പുതിയതല്ല. പഴയ വില്ലീസ് ജീപ്പുകളുടെ ഓപ്പണ്‍ ടോപ്പ് പതിപ്പുകള്‍ക്ക് ജീപ്സ്റ്റര്‍ എന്നായിരുന്നു പേര്. 1948 മുതല്‍ 1999 വരെ വിവിധ മോഡലുകള്‍ക്ക് ഈ പേര് ഉപയോഗിച്ചിരുന്നു ജീപ്പ്.

ലോകയുദ്ധപാരമ്പര്യം

രണ്ടാം ലോകയുദ്ധത്തില്‍ പങ്കെടുത്ത വില്ലീസ് ജീപ്പുകളുടെ പൈതൃകം കൂടി അവകാശപ്പെടും ജീപ്സ്റ്റര്‍ എന്നാണ് റിപ്പോര്‍ട്ടുകളില്‍ നിന്ന് വ്യക്തമാകുന്നത്.

അടിപ്പട

ഫിയറ്റ് 500എക്‌സ് ക്രോസ്സോവറിന്റെ അതേ പ്ലാറ്റ്‌ഫോമിലാണ് ജീപ്സ്റ്റര്‍ നില്‍ക്കുന്നത്. ഫ്രണ്ട്, റിയര്‍ വീല്‍ ഡ്രൈവുകളില്‍ ജീപ്സ്റ്റര്‍ വിപണിയിലെത്തും.

ജീപ്റ്ററില്‍ ഏത് എന്‍ജിനാണുപയോഗിക്കുന്നത് എന്നതു സംബന്ധിച്ച് വിവരങ്ങള്‍ ഇതുവരെയും ലഭ്യമായിട്ടില്ല. ഫിയറ്റ് 500, ഫിയറ്റ് 500എല്‍ എന്നീ വാഹനങ്ങളിലുപയോഗിക്കുന്ന എന്‍ജിനുകള്‍ ജീപ്സ്റ്ററില്‍ എത്താനിടയുണ്ട്.

1.4 ലിറ്റര്‍ മള്‍ടിഎയര്‍, 1.6 ലിറ്റര്‍ മള്‍ടിജെറ്റ് ഡീസല്‍ എന്‍ജിനുകളായിരിക്കും ജീപ്സ്റ്ററില്‍ ഇടംപിടിക്കുക.

ജനീവ

2014 മാര്‍ച്ച് മാസത്തില്‍ നടക്കാനിരിക്കുന്ന ജനീവ മോട്ടോര്‍ഷോയില്‍ ജീപ്പ് ജീപ്സ്റ്റര്‍ എസ്‌യുവി അവതരിപ്പിക്കപ്പെടും. 2014 അവസാനമാകുമ്പോഴേക്ക് ഈ വാഹനം വിപണി പിടിക്കാനിടയുണ്ട്.