മെഴ്‌സിഡിസ് സി63യില്‍ എത്ര കുതിരകള്‍?

100 കിലോമീറ്റര്‍ വേഗത പിടിക്കാന്‍ മെഴ്‌സിഡിസി സി63 എഎംജിക്ക് വെറും 4.5 സെക്കന്‍ഡ് മാത്രം മതി. ഇതിന് വാഹനത്തെ പ്രാപ്തമാക്കുന്നത് 6.2 ലിറ്റര്‍ ശേഷിയുള്ള എന്‍ജിനാണ്.

451 കുതിരകളുടെ ശേഷിയാണ് എന്‍ജിനുള്ളത്. 600 എന്‍എം ചക്രവീര്യവും എന്‍ജിന്‍ പകരുന്നു.

ഈ കുതിരക്കരുത്തില്‍ സംതൃപ്‌രാവാത്തവര്‍ക്കുവേണ്ടി എഎംജി ഡവലപ്‌മെന്റ് തയ്യാറാക്കിയ പ്രത്യേക പാക്കേജുണ്ട്. ഇതില്‍ എന്‍ജിന്‍ 481 കുതിരശക്തി പകരുന്നു. ചക്രവീര്യത്തില്‍ മാറ്റമൊന്നും വരില്ല.

ചിത്രത്തില്‍ കാണുന്നത് വാഹനത്തിന്റെ 2013 പതിപ്പ് കസ്റ്റം ട്യൂണ്‍ ചെയ്തതാണ്.

ഇന്റീരിയറില്‍ വന്‍തോതിലുള്ള സന്നാഹങ്ങളെ കാണാവുന്നതാണ്. 8 തരത്തില്‍ അഡ്ജസ്റ്റ് ചെയ്യാന്‍ സാധിക്കും സീറ്റുകളെ. ഡ്യുവല്‍ സോണ്‍ ഓട്ടോമാറ്റിക് ക്ലൈമറ്റ് കണ്‍ട്രോള്‍ സംവിധാനം അകത്തുണ്ട്.

സി63യുടെ മള്‍ടിമീഡിയ സംവിധാനം മെഴ്‌സിഡിസ് 'കമാന്‍ഡ്' സിസ്റ്റത്തിലാണ് വരുന്നത്. ശബ്ദം വഴി ഓഡിയോയും ഫോണ്‍ കോളുകളുമെല്ലാം നിയന്ത്രിക്കാന്‍ കഴിയും.

ബീമറിന്റെ എം3 സെഡാന്‍, ഓഡി എസ്4 തുടങ്ങിയ വാഹനങ്ങളാണ് സി63യുടെ എതിരാളികള്‍ എന്നു പറയാം.

ഇന്ത്യയില്‍ ഈ വാഹനത്തിന് വില 80 ലക്ഷത്തിന്റെ പരിസരത്ത് വരുന്നു.