Click it and Unblock the Notifications
പസ്സാറ്റിനെ പിന്വലിച്ചിട്ടില്ല: ഫോക്സ്വാഗണ്
ഫോക്സ്വാഗണ് പസ്സാറ്റ് മോഡല് ഇന്ത്യയില് വില്ക്കുന്നത് അവസാനിപ്പിച്ചു എന്ന വാര്ത്ത തെറ്റാണെന്ന് കമ്പനി വാര്ത്താകുറിപ്പിലൂടെ അറിയിച്ചു. പ്രമുഖ ഓട്ടോമൊബൈല് വെബ്സൈറ്റുകളടക്കം ഈ വാര്ത്ത നല്കിയിരുന്നു. വാര്ത്തയ്ക്ക് ഔദ്യോഗികമായ സ്ഥിരീകരണമൊന്നും നല്കിയിരുന്നില്ല.
രാജ്യത്തെമ്പാടുമുള്ള ഫോക്സ്വാഗണ് ഡീലര്മാര് വഴി ഈ വാഹനം വിറ്റഴിക്കുന്നത് തുടരുമെന്ന് കമ്പനിയുടെ ഔദ്യോഗികവിശദീകരണം വ്യക്തമാക്കുന്നു. കഴിഞ്ഞദിവസമാണ് വിശദീകരണം ഞങ്ങള്ക്കു ലഭിച്ചത്.
നിലവിലുള്ള പതിപ്പ് ഇന്ത്യന് വിപണിയില് തുടരുമ്പോള് തന്നെ അടുത്ത വര്ഷം ഫോക്സ്വാഗണ് പസ്സാറ്റിന്റെ പുതിയതലമുറ പതിപ്പ് ആഗോളവിപണിയില് അവതരിപ്പിക്കപ്പെടുമെന്ന കാര്യവും വാര്ത്താകുറിപ്പ് പറയുന്നുണ്ട്.
ഇന്ത്യന് വിപണിയിലേക്ക് ഈ വാഹനം എന്നെത്തുമെന്നത് ഇപ്പോഴും വ്യക്തമല്ല. ശരിയായ സമയത്ത് വാഹനം എത്തുമെന്നു മാത്രമാണ് ഫോക്സ്വാഗണ് പറയുന്നത്.
വരാനിരിക്കുന്നത് പസ്സാറ്റിന്റെ എട്ടാതലമുറ പതിപ്പാണ്. 2014 അവസാനത്തോടെയെങ്കിലും ഈ വാഹനം ഇമന്ത്യയിലെത്തുമെന്നാണ് പ്രതീക്ഷ. എംക്യുബി പ്ലാറ്റ്ഫോമില് നിലപാടെടുക്കുന്ന പസ്സാറ്റ് നിലവിലുള്ളതുപോലെ ഇന്ത്യയില്തന്നെ അസംബ്ള് ചെയ്യും.
Continue with Google