യുവാക്കള്‍ക്കായി പുതിയ ടൊയോട്ട കാമ്രി

യുവാക്കള്‍ക്കായി

പുതിയ കാമ്രി ഉറ്റുനോക്കുന്നത് യുവാക്കളിലേക്കാണ്.

രണ്ട് വേരിയന്റുകളാണ് കാമ്രിക്കുള്ളത്. ഇവയിലൊന്ന് വളരെ സ്‌പോര്‍ടിയായ ഡിസൈന്‍ ശൈലിയിലുള്ള സ്‌പോര്‍ട് എക്‌സ്എസ്ഇ വേരിയന്റാണ്. മറ്റൊന്ന് ഹൈബ്രിഡ് എസ്ഇ എന്ന, സാധാരണ ഡിസൈന്‍ ശൈലിയിലുള്ള വേരിയന്റും.

കാറിന്റെ അളവുകളില്‍ ചെറിയ മാറ്റങ്ങള്‍ വരുത്തിയിട്ടുണ്ട്. 1.8 ഇഞ്ച് നീളക്കൂടുതലും 0.4 ഇഞ്ച് വീതിക്കൂടുതലും വാഹനത്തിനുണ്ട്.

സ്‌പോര്‍ട് എക്‌സ്എസ്ഇ വേരിയന്റിന്റെ ഗ്രില്‍ ഡിസൈന്‍ പകരുന്ന അഗ്രസീവ് സൗന്ദര്യം എടുത്തു പറയണം. ഈ വേരിയന്റിന് പ്രത്യേകമായ ഷോക്ക് അബ്‌സോര്‍ബറുകള്‍ ചേര്‍ത്തിരിക്കുന്നു. യുവാക്കളെയാണ് എക്‌സ്എസ്ഇ വേരിയന്റ് ലക്ഷ്യം വെക്കുന്നത്. 18 ഇഞ്ച് വീലുകള്‍ നല്‍കിയിട്ടുണ്ട് ഈ പതിപ്പിന്.

എസ്ഇ വേരിയന്റിലെ ഗ്രില്ലിന്റെ രൂപത്തില്‍ വ്യത്യാസമില്ലെങ്കിലും എക്‌സ്എസ്ഇ-യെ അപേക്ഷിച്ച് കടുത്ത സ്‌പോര്‍ടി സൗന്ദര്യമൊന്നുമില്ല എന്നു പറയാം. എങ്കിലും ഡിസൈന്‍ സ്‌പോര്‍ടിയായിത്തന്നെ കാണപ്പെടുന്നു.

എക്‌സ്എസ്ഇ വേരിയന്റിലെ മെഷ് ഗ്രില്ല് ഈ പതിപ്പിലില്ല, പകരം കുറുകെ പട്ടകള്‍ നല്‍കിയിരിക്കുന്നു. പുതുക്കിയ ബംപര്‍, എല്‍ഇഡി ഹെഡ്‌ലാമ്പുകള്‍ (ഇത് ഓപ്ഷണലാണെന്നറിയുന്നു), എല്‍ഇഡി ഡേടൈം റണ്ണിംഗ് ലൈറ്റുകള്‍, ഹെഡ്‌ലാമ്പില്‍ ചേര്‍ത്തിരിക്കുന്ന ടേണ്‍ സിഗിനലുകള്‍ എന്നിവ 2015 കാമ്രിയുടെ പ്രത്യേകതകളാണ്.

പിന്നില്‍, ലൈസന്‍സ് പ്ലേറ്റിനു മുകളിലായി പാഞ്ഞിരിക്കുന്ന ക്രോമിയം പട്ട വാഹനത്തിന്റെ ഡിസൈന്‍ അന്തസ്സ് വര്‍ധിപ്പിക്കുന്നുണ്ട്. എക്‌സ്എസ്ഇ വേരിയന്റിന്റെ സ്‌പോര്‍ടി സ്വഭാവം പിന്‍വശത്തും കാണാവുന്നതാണ്. പിന്നില്‍ ഒരു ബൂട്ട് ലിപ് സ്‌പോയ്‌ലര്‍ ചേര്‍ത്തിട്ടുണ്ട്. ഇരുവശത്തും എക്‌സോസ്റ്റ് പൈപ്പ് നല്‍കിയതും കാണുക.

ഇന്റീരിയറിനെ ഇനിയും അന്തസ്സുള്ളതാക്കി മാറ്റുന്ന വിധം ഉയര്‍ന്ന നിലവാരമുള്ള അസംസ്‌കൃതവസ്തുക്കളാണ് വാഹനത്തില്‍ ഉപയോഗിച്ചിരിക്കുന്നത്. ഗുണനിലവാരമേറിയ തുകലും അപ്‌ഹോള്‍സ്റ്ററിയും ഉപയോഗിച്ചുണ്ടാക്കിയതാണ് സീറ്റുകള്‍. വേരിയന്റുകള്‍ക്കനുസരിച്ച് ഇതിന്റെ അനുപാതത്തില്‍ മാറ്റമുണ്ടാകാം. വാഹനത്തിനകത്ത് ശബ്ദം കടക്കാതിരിക്കാനുള്ള സംവിധാനങ്ങളുടെ ഗുണനിലവാരം കൂട്ടിയിട്ടുണ്ട്.