പുതിയ ഫോക്‌സ്‌വാഗണ്‍ പസ്സാറ്റ് സ്‌കെച്ചുകള്‍

ക്ലിക്കി നീങ്ങുക

ഫോക്‌സ്‌വാഗണ്‍ പസ്സാറ്റ് 2015 മോഡലിന്റെ സ്‌കെച്ചുകള്‍ പുറത്തുവിട്ടു. ചിത്രങ്ങളോടൊപ്പം പുതിയ വാഹനത്തെക്കുറിച്ചുള്ള ചില വിവരങ്ങളും കമ്പനി പുറത്തുവിട്ടിട്ടുണ്ട്.

പിന്‍വശത്ത് ഇരട്ട പുകക്കുഴലുകള്‍ നല്‍കിയിട്ടുണ്ട്. കുലീനത പുലര്‍ത്തുമ്പോള്‍ തന്നെ മസിലന്‍ ഭാവം കൈവിടാതിരിക്കാനും ശ്രദ്ധിച്ചിട്ടുണ്ട്. കുറച്ച് ബോള്‍ഡായ വീല്‍ ആര്‍ച്ചുകള്‍ ഇതിന് സാക്ഷ്യം നല്‍കുന്നു.

ഇന്റീരിയറിലും വന്‍ മാറ്റങ്ങള്‍ വന്നിട്ടുണ്ടെന്ന് ലഭ്യമായ വിവരങ്ങള്‍ വെച്ചനുമാനിക്കാം. 12.3 ഇഞ്ച് ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ പസ്സാറ്റിലുണ്ട്. പുതിയ ഇന്‍ഫോടെയ്ന്‍മെന്റ് സിസ്റ്റമാണ് വാഹനത്തിലുള്ളത്.

പസ്സാറ്റില്‍ ഒരു പുതിയ എന്‍ജിന്‍ കൂടി ചേര്‍ക്കാന്‍ ഫോക്‌സ്‌വാഗണ്‍ തീരുമാനിച്ചിട്ടുണ്ട്. 2 ലിറ്റര്‍ ശേഷിയുള്ള ഈ ഡീസല്‍ എന്‍ജിന്‍ ടര്‍ബോചാര്‍ജര്‍ ഘടിപ്പിച്ച് വിപണിയിലെത്തും. 240 കുതിരശക്തി പകരാന്‍ ഈ എന്‍ജിന് സാധിക്കുമെന്നറിയുന്നു. ചക്രവീര്യം 500 എന്‍എം.