ഫിഗോ ചെറുസെഡാന്‍ കണ്‍സെപ്റ്റ് അവതരിപ്പിച്ചു

ഫോഡ് ഇന്ത്യ പ്രസിഡണ്ട് നീഗല്‍ ഹാരിസ് അടക്കമുള്ളവര്‍ കണ്‍സെപ്റ്റ് അവതരിപ്പിക്കുന്ന ചടങ്ങില്‍ പങ്കെടുത്തു.

കണ്‍സെപ്റ്റ് എന്ന പേരിലാണ് അവതരിപ്പിച്ചിരിക്കുന്നതെങ്കിലും ഏതാണ്ട് ഉല്‍പാദനമോഡലിനോടടുത്ത നിലയിലാണ് വാഹനമുള്ളത്.

ഓട്ടോ എക്‌സ്‌പോയില്‍ പ്രദര്‍ശനത്തിനുശേഷം അധികം താമസിക്കാതെ, ഏറ്റവും കുറഞ്ഞത് ഈ വര്‍ഷം അവസാനമെങ്കിലും വാഹനം വിപണിയിലെത്തുമെന്നാണ് അറിയുന്നത്.

ഗ്രില്ലിന് ആസ്റ്റണ്‍ മാര്‍ട്ടിൻ കാറുകളുടെ ശൈലിയോട് സമാനത പുലര്‍ത്തുന്ന ഗ്രില്‍ അടക്കമുള്ള മുന്‍വശത്തിന്റെ ഡിസൈന്‍ പുതിയ കാലത്തിന്റെ സങ്കല്‍പങ്ങളോട് വളരെ ചേര്‍ന്നുനില്‍ക്കുന്നു.

ചെറുകാറുകളെല്ലാം സ്‌പോര്‍ടി പ്രതിച്ഛായ സൃഷ്ടിക്കാന്‍ ശ്രമിക്കുന്ന കാലത്തോട് വളരെ സജീവമായി പ്രതികരിക്കുന്നു ഫിഗോ സെഡാന്‍ ഡിസൈന്‍. ഫോഡ് ഫിയസ്റ്റ് ഹാച്ച്ബാക്ക് പോലുള്ള, അന്താരാഷ്ട്രവിപണിയിലെ ചില മോഡലുകളില്‍ ഈ ഡിസൈന്‍ ഇതിനകം പരീക്ഷിച്ചിട്ടുണ്ട് ഫോഡ്.

കണ്‍സെപ്റ്റില്‍ കാണുന്ന എല്‍ഇഡി ഹെഡ്‌ലാമ്പും എയര്‍ഡാമിനു ചുറ്റുമുള്ള എല്‍ഇഡി പട്ടയും ഉല്‍പാദനപ്പതിപ്പിലുണ്ടാകാന്‍ സാധ്യത കമ്മിയാണ്.

ഫോഡ് ഇന്ത്യ പ്രസിഡണ്ട് നീഗല്‍ ഹാരിസ് ഉറപ്പുനല്‍കുന്നതു പ്രകാരം, മികച്ച ഇന്ധനക്ഷമത പ്രദാനം ചെയ്യും ഫോഡ് ഫിഗോ സെഡാന്‍. കാബിനിലെ നോയ്‌സ് കുറയ്ക്കുവാനുള്ള നടപടികളെടുത്തിട്ടുണ്ട്. എയ്‌റോഡൈനമിക്‌സ് വര്‍ധിപ്പിക്കുന്ന രീതിയിലുള്ള ഡിസൈനാണ് വാഹനത്തിനുള്ളത്.