Click it and Unblock the Notifications
ഇലക്ട്രിക് വാഹനങ്ങള്ക്ക് 12 ലക്ഷം വരെ സബ്സിഡി
ഹൈബ്രിഡ്/ഇലക്ട്രിക് വാഹനങ്ങള്ക്ക് സബ്സിഡി നല്കുന്നതിനുള്ള തീരുമാനം അടുത്ത കേന്ദ്ര സര്ക്കാര് അധികാരത്തിലേറുന്നതോടെ നടപ്പാക്കുമെന്നറിയുന്നു. 'നാഷണല് ഇലക്ട്രിക് മൊബിലിറ്റി മിഷന് പ്ലാന് 2020' സമര്പ്പിച്ച നിര്ദ്ദേശങ്ങളോട് കേന്ദ്ര ഘനവ്യവസായ മന്ത്രാലയം ഈ നീക്കത്തോട് തത്വത്തില് യോജിക്കുന്നുണ്ടെന്ന് നേരത്തെ വ്യക്തമാക്കിയിരുന്നു.
ഇലക്ട്രിക് ഹൈബ്രിഡ് വാഹനങ്ങള് 80,000 മുതല് 12 ലക്ഷം വരെ സബ്സിഡി നല്കുന്നതിനുള്ള തീരുമാനമാണ് നടപ്പാക്കാനിരിക്കുന്നത്. 7.5 ലക്ഷമോ അതില് കൂടുതലോ വിലവരുന്ന ഹൈബ്രിഡ് കാര്/എസ്യുവി-കള്ക്ക് 1.5 ലക്ഷം രൂപ വരെയാണ് സബ്സിഡി ലഭിക്കുക. 40,000 രൂപയോ അതിലധികമോ വിലവരുന്ന ഇലക്ട്രിക് മോട്ടോര്സൈക്കിളുകള്ക്ക് 30,000 രൂപവരെ സബ്സിഡി ലഭിക്കും.
ഹൈബ്രിഡ് ബസ്സുകള്ക്ക് പരമാവധി നല്കാനുദ്ദേശിക്കുന്ന സബ്സിഡി 12 ലക്ഷം രൂപ വരെയാണ്. ചെറു വാണിജ്യവാഹനങ്ങളാണെങ്കില് 1 ലക്ഷം രൂപവരെ സബ്സിഡി ലഭിക്കും.
വിലയെ മാത്രം ആധാരമാക്കിയാവില്ല ഇലക്ട്രിക് വാഹനങ്ങളുടെ സബ്സിഡി കണക്കാക്കുക എന്നാണറിയുന്നത്. വാഹനം നല്കുന്ന റെയ്ഞ്ച്, ബാറ്ററി ശേഷി തുടങ്ങിയ കാര്യങ്ങള് കൂടി പരിഗണിച്ചാണ് സബ്സിഡി തുക നിശ്ചയിക്കുക.
പെട്രോള്/ഡീസര് കാറുകളുമായി ഇലക്ട്രിക് ഹൈബ്രിഡ് കാറുകള്ക്കുള്ള വിലവ്യത്യാസം നിര്ണായകമായ രീതിയില് കുറയ്ക്കുന്ന നടപടിയായിരിക്കുമിത്. നിലവില് ഇലക്ട്രിക് വാഹനങ്ങളെ പ്രോത്സാഹിപ്പിക്കുന്ന തരത്തിലുള്ള നിലപാടുകളൊന്നും സര്ക്കാര് എടുക്കാത്തതുമൂലം പല കമ്പനികളും ഇലക്ട്രിക് വാഹനങ്ങള് വിപണിയിലിറക്കാന് മടിക്കുകയാണ്.
ഇന്നത്തെ ഫേസ്ബുക്ക് വീഡിയോേ
Continue with Google