ഹ്യൂണ്ടായ് ഐ30 ദീപാവലിക്ക്

കാറിന്റെ ഡിസൈന്‍ ശൈലിയും മറ്റും പരിഗണിച്ചാണ് ഐ30 എന്ന പേരില്‍ ഈ ഹാച്ച്ബാക്ക് ഇപ്പോളറിയപ്പെടുന്നത്. ഈ പേരു തന്നെ ഉള്‍പാദനമോഡലില്‍ ഉഫയോഗിക്കണമെന്നില്ല എന്നാണ് ലഭ്യമായ റിപ്പോര്‍ട്ടുകള്‍ പറയുന്നത്.

ഹ്യൂണ്ടായ് ഐ10നു മുകളില്‍ ഗ്രാന്‍ഡ് ഐ10 എത്തിച്ചേര്‍ന്നതിനു സമാനമായ നീക്കമാണിതെന്നു പറയാം. ഐ30യുടെ ലോഞ്ചിനൊപ്പം തന്നെ വരുംതലമുറ ഐ20 ഹാച്ച്ബാക്ക് വിപണിയിലെത്താനുള്ള സാധ്യതയും കാണുന്നുണ്ട്. എന്തായാലും പുതിയ ഐ30 ഹാച്ച്ബാക്ക് കൂടുതല്‍ പ്രീമിയം നിലവാരത്തിലുള്ള ഒരു വാഹനമായിരിക്കുമെന്ന കാര്യം ഉറപ്പിക്കാം.

ഇന്ത്യയുടെ വിപണി പിടിക്കാനൊരുങ്ങുന്ന ഹോണ്ട ജാസ്സ് പ്രീമിയം ഹാച്ച്ബാക്കിന്റെ എതിരാളിയായിരിക്കും ഹ്യൂണ്ടായ് ഐ30. ഹോണ്ടയുടെ പുതുക്കിയ ജാസ്സ് ഹാച്ച്ബാക്ക് നിരവധി പുതു സന്നാഹങ്ങളും പുതുക്കിയ ഡിസൈനുമെല്ലാമായി വീണ്ടും ഇന്ത്യയുടെ വിപണിയിലേക്കെത്തുകയാണ്. നേരത്തെ മോശം പ്രകടനമാണ് കാഴ്ച വെച്ചിരുന്നതെങ്കിലും ഇനിയതാവര്‍ത്തിക്കില്ല എന്നാണ് ഹോണ്ടയുടെ വിശ്വാസം. ഈ വാഹനവും 2014 അവസാനത്തോടെ വിപണി പിടിക്കും.

10 ലക്ഷത്തില്‍ താഴെയായിരിക്കും ഐ30 ഹാച്ച്ബാക്കിന് ഹ്യൂണ്ടായ് വില കാണുക എന്നാണ് കരുതേണ്ടത്. ഏതാണ്ട് സമാനമായ വിലനിലവാരത്തില്‍ തന്നെയായിരിക്കും ജാസ്സിനും വില കാണുക.

ചിത്രങ്ങളില്‍ കാണുന്ന പതിപ്പുകളെല്ലാം യൂറോപ്യനാണെന്ന് ഓര്‍മിപ്പിക്കട്ടെ. ഇതേ ശൈലിയിലാവണമെന്നില്ല വാഹനം ഇന്ത്യയിലെത്തുന്നത്. ഇന്റീരിയറില്‍ വലിയ മാറ്റങ്ങള്‍ വന്നേക്കും. എക്സ്റ്റീരിയറിലും മാറ്റങ്ങളുണ്ടാകും.