മെഴ്‌സിഡിസ് എഎംജിയുടെ പുതിയ എന്‍ജിന്‍ വിശേഷങ്ങള്‍

ചിത്രങ്ങളിലൂടെ നീങ്ങുക

ഓരോ ലിറ്ററിനും പുറത്തെടുക്കുന്ന പ്രകടനം പരിഗണിക്കുകയാണെങ്കില്‍ ലോകത്തിലെ ഏറ്റഴും കരുത്തേറിയ എന്‍ജിനുകളിലൊന്നാണിത്.

4.0 ലിറ്റര്‍ ശേഷിയുള്ള ഈ വി8 എന്‍ജിനോട് രണ്ട് ടര്‍ബോ ചാര്‍ജറുകള്‍ ഘടിപ്പിച്ചിരിക്കുന്നു. 6250 ആര്‍പിഎമ്മില്‍ 510 കുതിരശക്തി പുറത്തെടുക്കുന്നു എം178 എന്‍ജിന്‍. ഇത് ലിറ്ററിന് 128 കുതിരശക്തി എന്ന നിരക്കില്‍ വരും. 1750-4750 ആര്‍പിഎമ്മില്‍ 650 എന്‍എം ചക്രവീര്യം പുറത്തെത്തിക്കുന്നു. ലിറ്റര്‍ കണക്കിന് 163.2 എന്‍എം ചക്രവീര്യം വീതമാണിത്.

സിലിണ്ടറിന് നാല് വാല്‍വുകള്‍ എന്ന വിധത്തിലാണ് എന്‍ജിന്‍ ഡിസൈന്‍. സാധാരണ പെര്‍ഫോമന്‍സ് കാര്‍ എന്‍ജിനുകളില്‍ കാണാറുള്ള ഡ്യുവല്‍ ഓവര്‍ഹെഡ് കാംഷാഫ്റ്റ് തന്നെയാണ് ഇതിലുള്ളത്. എന്നാല്‍ എഎംജിയുടെ എന്‍ജിനീയറിങ് വൈദഗ്ധ്യം കാംഷാഫ്റ്റ് ക്രമീകരണം കൂടുതല്‍ കൃത്യതയുള്ളതാക്കി മാറ്റിയിരിക്കുന്നു.

ക്രാങ്ക്‌കെയ്‌സുകളില്‍ പ്രത്യേക നാനോ കോട്ടിങ് നല്‍കിയിട്ടുണ്ട്. ഇത് സിലിണ്ടര്‍ വാളുകളലെ ഉരസല്‍ കുറയ്ക്കുന്നു. സിലിണ്ടര്‍ ഹെഡ്ഡുകള്‍ നിര്‍മിച്ചിരിക്കുന്നത് പ്രത്യേക ലോഹസങ്കരം (സിര്‍കോണിയം) കൊണ്ടാണ്. താപവാഹകസ്വഭാവം കൂട്ടുവാന്‍ ഇത് സഹായകമാണ്.

വീഡിയോ