മെഴ്‌സിഡിസ് ജിഎല്‍എ 32.75 ലക്ഷത്തിന് വിപണിയില്‍

ചിത്രങ്ങളിലൂടെ നീങ്ങുക.

വിലകള്‍

1. മെഴ്‌സിഡിസ് ബെന്‍സ് ജിഎല്‍എ 200 സിഡിഐ സ്‌റ്റൈല്‍ - 32.75 ലക്ഷം (ഡീസല്‍)

2. മെഴ്‌സിഡിസ് ബെന്‍സ് ജിഎല്‍എ 200 സിഡിഐ സ്‌പോര്‍ട് - 36.9 ലക്ഷം (ഡീസല്‍)

3. മെഴ്‌സിഡിസ് ബെന്‍സ് ജിഎല്‍എ 200 സ്‌പോര്‍ട് - 36 ലക്ഷം (പെട്രോള്‍)

എന്‍ജിനുകള്‍

2.2 ലിറ്റര്‍ ശേഷിയുള്ള ഡീസല്‍ എന്‍ജിനാണ് ജിഎല്‍എ ക്ലാസ്സില്‍ ഉപയോഗിക്കുന്നത്. 135 കുതിരശക്തി പകരുന്നു ഈ എന്‍ജിന്‍. 300 എന്‍എം ആണ് ചക്രവീര്യം. 7 സ്പീഡ് ഡ്യുവല്‍ ക്ലച്ച് ട്രാന്‍സ്മിഷനാണ് എന്‍ജിനോടൊപ്പം ചേര്‍ത്തിട്ടുള്ളത്. 1.8 ലിറ്റര്‍ ശേഷിയുള്ളതാണ് ഡീസല്‍ എന്‍ജിന്‍. 181 കുതിരശക്തി പകരുന്നു. 300 എന്‍എം ചക്രവീര്യം.

എല്ലാ വേരിയന്റുകളും ഫ്രണ്ട് വീല്‍ ഡ്രൈവാണ്. പെട്രോള്‍ മോഡലാണ് ഏറ്റവും ഉയര്‍ന്ന പതിപ്പ്. 4,417 എംഎം നീളവും 1,804 എംഎം വീതിയും 1,494 എംഎം ഉയരവുമുണ്ട് ജിഎല്‍എ ക്ലാസ്സിന്. 2,699 എംഎം ആണ് വീല്‍ബേസ്. ഗ്രൗണ്ട് ക്ലിയറന്‍സ് 183 എംഎം.

421 ലിറ്റര്‍ ബൂട്ട് സ്‌പേസ് പ്രദാനം ചെയ്യുന്നു ഈ വാഹനം. സീറ്റുകള്‍ മടക്കിവെച്ചാല്‍ 1,235 ലിറ്റര്‍ സ്‌പേസ് ലഭിക്കും. 18 ഇഞ്ച് അലോയ് വീലുകള്‍, റിവേഴ്‌സ് കാമറ, പാഡില്‍ ഷിഫ്റ്ററുകള്‍, ഹാര്‍ംമാന്‍ കാര്‍ഡണ്‍ മ്യൂസിക് സിസ്റ്റം എന്നിങ്ങനെയുള്ള സന്നാഹങ്ങള്‍ ഈ വാഹനത്തിലുണ്ട്.