പുതുക്കിയ സ്‌കോഡ യതി എസ്‌യുവിയെക്കുറിച്ച് അറിയേണ്ടതെല്ലാം

ചിത്രങ്ങളിലൂടെ നീങ്ങുക.

ഡിസൈന്‍ ഭാഷയില്‍ നിരവധി പുതുക്കലുകള്‍ വന്നിട്ടുള്ളതായി കാണാം. ബൈ-സിനണ്‍ ഹെഡ്‌ലാമ്പ് ചേര്‍ത്തിരിക്കുന്നു പുതിയ യതിയില്‍.

റിയര്‍ ലൈറ്റുകള്‍ എല്‍ഇഡിയാണ്.

ഫ്രണ്ട് ബംപറുകളും ഗ്രില്ലും ഡിസൈന്‍മാറ്റത്തിന് വിധേയമായിരിക്കുന്നതായി കാണാം. ഫോഗ് ലാമ്പിന്റെ സ്ഥാനം മാറിയിരിക്കുന്നു.

രണ്ട് എന്‍ജിന്‍ ഓപ്ഷനുകളാണ് സ്‌കോഡ യതിക്കുള്ളത്. ഒരു 2.0 ലിറ്റര്‍ ടര്‍ബോ ഡീസല്‍ എന്‍ജിന്‍ രണ്ടുതരത്തില്‍ ട്യൂണ്‍ ചെയ്യുകയാണ് ചെയ്തിട്ടുള്ളത്. ഇവയിലൊന്ന് 109 കുതിരശക്തിയും മറ്റൊന്ന് 138 കുതിരശക്തിയും പകരുന്നു.

109 കുതിരശക്തിയുള്ള എന്‍ജിനോടൊപ്പം 5 സ്പീഡ് മാന്വല്‍ ഗിയര്‍ബോക്‌സ് ഘടിപ്പിച്ചിരിക്കുന്നു. 138 കുതിരശക്കതിയുള്ള എന്‍ജിന്‍ പതിപ്പില്‍ 6 സ്പീഡ് മാന്വല്‍ ഗിയര്‍ബോക്‌സാണ് ചേര്‍ത്തിട്ടുള്ളത്.

138 കുതിരശക്കതിയുള്ള എന്‍ജിന്‍ പതിപ്പ് ഫോര്‍ ഡ്രൈവ് സിസ്റ്റത്തിലാണ് വരുന്നത്. ടോര്‍ക്ക് ഡിസ്ട്രിബ്യൂഷന്‍ സിസ്റ്റവും രണ്ടാമത്തെ പതിപ്പിലുണ്ട്.

109 കുതിരശക്തിയുള്ള സ്‌കോഡ യതി എന്‍ജിന്‍ പതിപ്പ് 17.72 കിലോമീറ്റര്‍ മൈലേജ് നല്‍കുന്നു. 138 കുതിരശക്തിയുള്ള എന്‍ജിന്‍ 17.67 കിലോമീറ്റര്‍ മൈലേജ് പകരുന്നു.

നിരവധി സുരക്ഷാ സന്നാഹങ്ങള്‍ കൂട്ടിച്ചേര്‍ത്തിരിക്കുന്നു പുതിയ സ്‌കോഡ യതി പതിപ്പില്‍. ആന്റി ലോക്ക് ബ്രേക്കിങ് സിസ്റ്റം, ഇലക്ട്രിക് സ്റ്റബിലിറ്റി കണ്‍ട്രോള്‍, ഇലക്ട്രോണിക് ബ്രേക്കിങ് കണ്‍ട്രോള്‍, ആന്റി സ്ലിപ്പ് റെഗുലേഷന്‍, ഇലക്ട്രോണിക് ഡിഫറന്‍ഷ്യല്‍ ലോക്ക് എന്നീ സന്നാഹങ്ങള്‍ വാഹനത്തിലുണ്ട്.

ഇലക്ട്രോണിക് ടയര്‍ പ്രഷര്‍ മോണിറ്ററിങ്, ഹില്‍ റോഡ് കണ്‍ട്രോള്‍ അസിസ്റ്റന്റ്, ഡൗണ്‍ഹില്‍ അസിസ്റ്റന്റ് എന്നിവയും വാഹനത്തോടു ചേര്‍ത്തിരിക്കുന്നു.

സ്കോഡ യതി 2014 ഇന്റീരിയർ

2014 സ്കോഡ യതി റിയർവ്യൂ മിറർ

എൽഇഡി റിയർ ലാമ്പ്

2014 സ്കോഡ യതി ബൂട്ട് സ്പേസ്

2014 സ്കോഡ യതിയുടെ ബൂട്ട് ഡോർ വഴിയുള്ള കാഴ്ച.

2014 സ്കോഡ യതിയുടെ വീൽ ഡിസൈൻ.