വീട്ടുസാമാനം കൊണ്ട് ഓപ്പൺ സോഴ്സ് കാർ

പേരിൽത്തന്നെയുണ്ട് ഇവർ നടത്താനുദ്ദേശിക്കുന്ന വിപ്ലവത്തിൻറെ സ്വഭാവം. പേറ്റൻറഡ് ആയ ഒരു വസ്തുവും ഉപയോഗിക്കാതെ അത്യാവശ്യകാര്യങ്ങൾക്കുപയോഗിക്കാവുന്ന ഒരു കാർ, ഏറ്റവും ചെലവുകുറവിൽ നിർമിക്കുക. ഇറ്റലിയിലെ ഓഎസ്‌വെഹിക്കിള്‍ നിർമിച്ച ആദ്യത്തെ വാഹനത്തിന് പേര് ടാബി എന്നാകുന്നു. നിരവധി ഓട്ടോ ഷോകളിൽ ഈ വാഹനം ഇതിനകം പ്രദർശിപ്പിച്ചുകഴിഞ്ഞു. ഒരു മണിക്കൂർ കൊണ്ട് ഈ വാഹനത്തിൻറെ അസംബ്ലിംഗ് ജോലി പൂർത്തിയാകും.

ഈ വാഹനം റോഡിലിറക്കാൻ നിയമപരമായ പ്രശ്നങ്ങളൊന്നുതന്നെയില്ല എന്നതാണ് കാര്യം. ടോബി എന്ന, ചിത്രത്തിൽ കാണുന്ന രൂപം യഥാർത്ഥത്തിൽ വാഹനത്തിൻറെ ചാസിയാണ്. ഈ ചാസിയിലാണ് കാർ നിർമിക്കുക. ഈ കാറിനെ അർബൻ ടാബി എന്നുവിളിക്കും.

2 സീറ്ററായും 4 സീറ്ററായും ടോബി നിർമിച്ചുകിട്ടും. പെട്രോൾ എൻജിനിലും ഇലക്ട്രിക് മോട്ടോറിലും കാർ ലഭ്യമാണ്. ഒരു ഹൈബ്രിഡ് പതിപ്പും കന്പനി നിർമിച്ചുനൽകുന്നുണ്ട്.

നിയമപരമായ അനുമതി ലഭിച്ച ടോബി പതിപ്പിൻറെ പരമാവധി വേഗത മണിക്കൂറിൽ 90 കിലോമീറ്ററാണ്. 5,350 ഡോളർ മുതൽ 8000 ഡോളർ വരെ വിലവരും ടോബി കാറുകൾക്ക്. ഈ വർഷത്തിൽ തന്നെ ടോബി കാറുകൾ യാഥാർത്ഥ്യമായേക്കും.

വീഡിയോ

ഓപ്പൺ സോഴ്സ് കാർ