Click it and Unblock the Notifications
ടാറ്റ മോട്ടോഴ്സിന്റെ ജാഗ്വര് എക്സ് ഇ സെപ്തംബറില് അവതരിക്കും
ടാറ്റ മോട്ടോഴ്സിന്റെ ഉടമസ്ഥതയിലുള്ള ബ്രിട്ടീഷ് ആഡംബര കാര് കമ്പനി, ജാഗ്വര് ലാന്ഡ് റോവര് ഒരു പുതിയ പ്രീമിയം സ്പോര്ട്സ് സെഡാന് വിപണിയിലെത്തിക്കുമെന്ന് നേരത്തെ പ്രഖ്യാപിച്ചിരുന്നു. എക്സ്ഇ എന്ന പേരിലുള്ള ഈ സ്പോര്ട്സ് സെഡാന് സെപ്തംബര് എട്ടിന് ലോകത്തിനു മുമ്പാകെ അവതരിപ്പിക്കപ്പെടുമെന്നറിയുന്നു. ലണ്ടനില് വെച്ചാണ് അവതരണച്ചടങ്ങ് നടക്കുക.
ഉറപ്പേറിയതും ഭാരക്കുറവുള്ളതുമായ അലൂമിനിയത്തിലാണ് വാഹനത്തിന്റെ ഫ്രെയിം രൂപപ്പെടുത്തിയിട്ടുള്ളത്. 'RC 5754' എന്നു പേരിട്ടുവിളിക്കുന്ന ഈ അലൂമിനിയം ഗ്രേഡ് എക്സ്ഇ സെഡാനുവേണ്ടി ജാഗ്വര് പ്രത്യേകമായി രൂപപ്പെടുത്തിയതാണ്. നിലവില് മറ്റൊരു ജാഗ്വര് ലാന്ഡ് റോവര് വാഹനത്തിലും ഈ അലൂമിനിയം ഉപയോഗിക്കുന്നില്ല.
ജാഗ്വറിന്റെ വാഹനങ്ങളില് അലൂമിനിയം മോണോകോക്ക് ഫ്രെയിം ഘടിപ്പിച്ച ഒരേയൊരു വാഹനമായി മാറും പുതിയ എക്സ്ഇ.
എക്സ്ഇ സെഡാന്റെ ബോഡിയിലെ 75 ശതമാനവും എലൂമിനിയമായിരിക്കുമെന്ന് ജാഗ്വര് സാങ്കേതികവിഭാഗം തലവന് ഡോ. മാര്ക്ക് വൈറ്റ് പറയുന്നു. സെഗ്മെന്റില് മറ്റേതൊരു വാഹനത്തെക്കാളും ഉയര്ന്നതാണ് ഈ അനുപാതമെന്നും അദ്ദേഹം ചൂണ്ടിക്കാട്ടുന്നുണ്ട്. ഭാരക്കുറവും ഉയന്ന്ന ഉറപ്പുമുള്ളതാണ് വാഹനത്തിലുപയോഗിച്ചിട്ടുള്ള അലൂമിനിയം കൂട്ട്. കാറിന്റെ ടോര്ഷണല് റിജിഡിറ്റി വര്ധിപ്പിക്കാന് ഈ ഉറപ്പ് സഹായകമാണെന്നും അദ്ദേഹം പറഞ്ഞു.
എക്സ്ഇയില് ഉപയോഗിച്ചിരിക്കുന്ന അലൂമിനിയം റീസൈക്കിള് ചെയ്തു നിര്മിച്ചതാണെന്ന പ്രത്യേകതയുമുണ്ട്. യുകെയിലാണ് വാഹനത്തിന്റെ എന്ജിനീയറിങ് ജോലികളും ഡിസൈന് വേലകളും നടന്നത്.
Continue with Google