ടാറ്റ സെസ്റ്റ്: ബങ്കളുരുവിലെ വിലകള്‍

ടാറ്റ സെസ്റ്റ് സെഡാന്‍ ബങ്കളുരുവില്‍ ലോഞ്ച് ചെയ്തു. സെസ്റ്റിന്റെ പെട്രോള്‍ ബേസ് വേരിയന്റിന് 4.69 ലക്ഷം രൂപയാണ് വില. ഡീസല്‍ വേരിയന്റിന് ബങ്കളുരു എക്‌സ്‌ഷോറൂം നിരക്ക് പ്രകാരം 5.73 ലക്ഷം രൂപ വിലവരും.

ബങ്കളുരു വിലകള്‍

പെട്രോള്‍

• എക്സ്ഇ - 4,68,965
• എക്സ്എം - 5,31,114
• എക്സ്എംഎസ് - 5,49,115
• എക്സ്ടി - 6,06,723

ഡീസല്‍

• എക്സ്ഇ - 5,73,071
• എക്സ്എം - 6,37,242
• എക്സ്എംഎസ് - 6,55,242
• എക്സ്എംഎ - 7,10,849
• എക്സ്ടി - 7,10,849
  

1.2 ലിറ്റര്‍ ഫോര്‍ സിലിണ്ടര്‍ ടര്‍ബോചാര്‍ജ്ഡ് എന്‍ജിനാണ് സെസ്റ്റ് സെഡാനിലുള്ളത്. ടാറ്റയുടെ റിവോട്രോണ്‍ സാങ്കേതികതയിലാണ് ഈ എന്‍ജിന്‍ നിര്‍മിച്ചിരിക്കുന്നത്. 5000 ആര്‍പിഎമ്മില്‍ 88.73 കുതിരശക്തി ഉല്‍പാദിപ്പിക്കുന്നു ഇവന്‍. 1750-3500 ആര്‍പിഎമ്മില്‍ 140 എന്‍എം ആണ് ചക്രവീര്യം. എആര്‍എഐ സാക്ഷ്യപ്പെടുത്തുന്നതു പ്രകാരം ലിറ്ററിന് 17.6 കിലോമീറ്റര്‍ മൈലേജ് നല്‍കാന്‍ ഈ എന്‍ജിന് സാധിക്കും.

രണ്ട് എന്‍ജിന്‍ ഓപ്ഷനുണ്ട് ടാറ്റ സെസ്റ്റില്‍. 1.3 ലിറ്റര്‍ ശേഷിയുള്ള എന്‍ജിന്‍ രണ്ടുവിധത്തില്‍ ട്യൂണ്‍ ചെയ്ത് ഘടിപ്പിച്ചിരിക്കുന്നു. 4000 ആര്‍പിഎമ്മില്‍ 73.94 കുതിരശക്തി പകരുന്നു ഈ എന്‍ജിന്‍ ട്യൂണിങ്ങുകളിലൊന്ന്. ഇതേ എന്‍ജിന്റെ അടുത്ത ട്യൂണിങ് പതിപ്പ് 4000 ആര്‍പിഎമ്മില്‍ 88.73 കുതിരശക്തി രകരുന്നതാണ്. 1750-3000 ആര്‍പിഎമ്മില്‍ 200 എന്‍എം ആണ് ചക്രവീര്യം. എആര്‍എഐ സാക്ഷ്യപ്പെടുത്തിയതു പ്രകാരം ലിറ്ററിന് 23 കിലോമീറ്റര്‍ മൈലേജ് നല്‍കുന്നു.