ടാറ്റ സെസ്റ്റ് സെഡാന്‍ ഓഗസ്റ്റ് 12ന് ലോഞ്ച് ചെയ്യും

Written By:

ടാറ്റ സെസ്റ്റ് സെഡാന്‍ ഓഗസ്റ്റ് 12ന് ലോഞ്ച് ചെയ്യും. ഇന്ത്യന്‍ ഓട്ടോ എക്‌സ്‌പോയില്‍ അവതരിപ്പിക്കപ്പെട്ട, ടാറ്റയുടെ ഏറ്റവും പുതിയ ഡിസൈന്‍ ഭാഷയില്‍ നിര്‍മിച്ച രണ്ട് വാഹനങ്ങളിലൊന്നാണ് ഈ സെഡാന്‍. മറ്റൊരു വാഹനമായ ബോള്‍ട്ട് ഹാച്ച്ബാക്ക് അടുത്ത കുറച്ചു മാസങ്ങള്‍ക്കുള്ളില്‍ വിപണിയിലെത്തും.

മാരുതി സുസൂക്കി സ്വിഫ്റ്റ്, ഹോണ്ട അമേസ്, ഹ്യൂണ്ടായ് എക്‌സെന്റ് എന്നീ ശക്തരായ എതിരാളികളോട് കിടപിടിക്കാന്‍ ശേഷിയില്‍ തന്നെയാണ് സെസ്റ്റ് സെഡാന്‍ അവതരിക്കുന്നത്. പുതുക്കിയ ഡിസൈന്‍ ഭാഷയും പുതിയ പെട്രോള്‍ എന്‍ജിനുമെല്ലാം ഈ വാഹനത്തിന്റെ വില്‍പനയില്‍ സഹായകമാകുമെന്നാണ് പ്രതീക്ഷ.

Tata Zest Launching On 12th August

പെട്രോള്‍, ഡീസല്‍ എന്‍ജിനുകള്‍ ഘടിപ്പിച്ച് സെസ്റ്റ് സെഡാന്‍ വിപണിയില്‍ ലഭിക്കും. ടാറ്റ സ്വയം വികസിപ്പിച്ചെടുത്ത, 1.2 ലിറ്റര്‍ ശേഷിയുള്ള റിവോട്രോള്‍ പെട്രോള്‍ എന്‍ജിനും ഫിയറ്റില്‍ നിന്നും വാങ്ങുന്ന 1.3 ലിറ്ററിന്റെ ഡീസല്‍ എന്‍ജിനുമായിരിക്കും ഈ വാഹനത്തിലുണ്ടാവുക.

1.2 ലിറ്റര്‍ പെട്രോള്‍ എന്‍ജിന്‍ 88.7 കുതിരശക്തിയാണ് ഉല്‍പാദിപ്പിക്കുക. 140 എന്‍എം ആണ് പരമാവധി ചക്രവീര്യം.

1.3 ലിറ്ററിന്റെ ക്വാഡ്രാജെറ്റ് ഡീസല്‍ എന്‍ജിന്‍ പരമാവധി 200 എന്‍എം ചക്രവീര്യം ഉല്‍പാദിപ്പിക്കുന്നു. 88.7 കുതിരശക്തിയാണ് ഈ എന്‍ജിനുള്ളത്. ഈ എന്‍ജിനോടൊപ്പം ഒരു സെമി ഓട്ടോമാറ്റിക് എന്‍ജിനും പ്രതീക്ഷിക്കാം. രണ്ട് എന്‍ജിനുകള്‍ക്കൊപ്പവും 5 സ്പീഡ് മാന്വല്‍ ഗിയര്‍ബോക്‌സ് ഘടിപ്പിച്ചും ലഭിക്കും.

വാഹനത്തിന് 4.5 ലക്ഷത്തിന്റെ പരിസരത്തില്‍ തുടക്കവില കാണുമെന്നാണ് കരുതേണ്ടത്.

English summary
Tata has decided to launch its compact sedan christened as the Zest, on the 12th of August, 2014.
Story first published: Saturday, August 9, 2014, 11:25 [IST]

Latest Photos

 

ഉടനടി ഓട്ടോ അപ്ഡേറ്റുകള് ഡ്രൈവ്സ്പാര്ക്കില് നിന്നും
Malayalam Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more