ടെറ ആര്‍6 ഇലക്ട്രിക് ഓട്ടോ ഇന്ത്യയില്‍ അവതരിച്ചു

ചിത്രങ്ങളിലൂടെ നീങ്ങുക.

പൂര്‍ണമായും ചാര്‍ജ് ചെയ്താല്‍ 100 കിലോമീറ്റര്‍ വരെ റെയ്ഞ്ച് ലഭിക്കും ഈ ഓട്ടോറിക്ഷയ്‌ക്കെന്ന് ടെറ മോട്ടോഴ്‌സ് പറയുന്നു. ബാറ്ററി, കണ്‍ട്രോളര്‍, ചാര്‍ജര്‍ തുടങ്ങിയവയെല്ലാം ടെറ മോട്ടോഴ്‌സ് സ്വന്തമായി വികസിപ്പിച്ചെടുത്തതാണ്. ഇന്ത്യയുടെ പ്രത്യേക റോഡ് സാഹചര്യങ്ങളെ പരിഗണിച്ചാണ് ഗവേഷണ-വികസന പ്രവര്‍ത്തനങ്ങളെല്ലാം നടന്നിട്ടുള്ളത്.

നമ്മുടെ നാട്ടിലെ ട്രാഫിക്കില്‍ നന്നായി കൈകാര്യം ചെയ്യാന്‍ കഴിയുന്നത്ര വലിപ്പമേ ഈ വാഹനത്തിനുള്ളൂ. ഡ്രൈവറടക്കം ഏഴു പേര്‍ക്ക് യാത്ര ചെയ്യാനും കഴിയും.

വാഹനത്തിന്റെ നിര്‍മാണഗുണനിലവാരം മികച്ചതാണ്. ജാപ്പനീസ് ഗുണനിലവാരമുള്ള ഘടകഭാഗങ്ങളാണ് ഇ-റിക്ഷയില്‍ ഉപയോഗിച്ചിരിക്കുന്നതെന്ന് ടെറ മോട്ടോഴ്‌സ് പറയുന്നു. ലോകത്തിലെ തന്നെ ഏറ്റവും മികച്ച ഇലക്ട്രിക് ഓട്ടോറിക്ഷയാണിതെന്നും നിര്‍മാതാക്കള്‍ അവകാശപ്പെടുന്നു. ഈടുനില്‍പിന്റെ കാര്യത്തിലും നിലവിലുള്ള ഏതൊരു ഓട്ടോറിക്ഷയെയും വെല്ലാന്‍ ടെറയ്ക്ക് സാധിക്കും.

വളറെ കുറഞ്ഞ ടേണിങ് റേഡിയസ്സാണ് ടെറ ഓട്ടോയ്ക്കുള്ളത്. വെറും 3.2 മീറ്ററിനുള്ളില്‍ വാഹനം വളച്ചെടുക്കാം. ഇത് നഗരങ്ങളിലെ ഇടുങ്ങിയ നിരത്തുകളില്‍ വളരെ ഉപകാരപ്രദമാണ്.

2,950 മില്ലിമീറ്ററാണ് വാഹനത്തിന്റെ നീളം. വീതി 1,090 മില്ലിമീറ്റര്‍. 1,800 മില്ലിമീറ്റര്‍ ഉയരം. ലെഡ് ആശിഡ് ബാറ്ററിയാണ് വാഹനത്തില്‍ ചേര്‍ത്തിട്ടുള്ളത്. ഇതിന് 150 കിലോ ഭാരം വരും.

വാഹനത്തിന് പരമാവധി പോകാവുന്ന ദൂരം മണിക്കൂറില്‍ 30 കിലോമീറ്ററാണ്. 1-2 മണിക്കൂറിനുള്ളില്‍ ബാറ്ററി 80 ശതമാനം ചാര്‍ജ് ചെയ്യാനാവും. പൂര്‍ണമായും ചാര്‍ജ് ചെയ്യാന്‍ 7 മണിക്കൂറെടുക്കും.