2015 ഫിയറ്റ് ഡോബ്ലോയ്ക്ക് ഇന്ത്യയില്‍ സാധ്യതയുണ്ടോ?

താളുകളിലൂടെ നീങ്ങുക.

തികച്ചും 'ഇന്ത്യന്‍'

ഭാവിയില്‍ ഇന്ത്യയുടെ എംപിവി വിപണിയിലെ സാധ്യതകള്‍ കുഴിച്ചെടുക്കാന്‍ ഫിയറ്റ് ഡോബ്ലോയെ നിരത്തിലിറക്കിയാല്‍ അത്ഭുതപ്പെടേണ്ടതില്ല. വിലയിലും ഉള്ളിലെ സ്‌പേസിന്റെ കാര്യത്തിലുമെല്ലാം തികച്ചും 'ഇന്ത്യന്‍' ആണ് ഈ വാഹനം.

പുതിയ ഡോബ്ലോ

വന്‍തോതിലുള്ള പുതുക്കലിന് വിധേയമായാണ് 2015 ഡോബ്ലോ എത്തിയിരിക്കുന്നത്. എക്‌സ്റ്റീരിയറില്‍ പുതിയ ബംപറുകള്‍, ബോണറ്റ് എന്നിവ ചേര്‍ത്തിരിക്കുന്നു. അകത്താകട്ടെ പുതുക്കിയ മള്‍ടിമീഡിയ സന്നാഹങ്ങള്‍ നല്‍കിയിട്ടുണ്ട്.

'ഒച്ചയില്ലായ്മ'

വാഹനത്തിനകത്ത് ഒച്ച കുറയ്ക്കാന്‍ വല്ലാതെ പണിപ്പെട്ടിട്ടുണ്ട് ഫിയറ്റ്. 'ലോകോത്തരം' എന്നാമ് ഡോബ്ലോയുടെ സൗണ്ട്പ്രൂഫിങ് സംവിധാനത്തെ ഫിയറ്റ് വിശേഷിപ്പിക്കുന്നത്. ബൈ-ലിങ്ക് സസ്‌പെന്‍ഷന്‍ സിസ്റ്റം വാഹനത്തിന്റെ ഹാന്‍ഡ്‌ലിങ് ശേഷി വര്‍ധിപ്പിച്ചിട്ടുണ്ട്.

എന്‍ജിനുകള്‍

അന്താരാഷ്ട്രവിപണിയില്‍ ഒമ്പത് എന്‍ജിന്‍ പതിപ്പുകള്‍ ഡോബ്ലോയ്ക്കുണ്ട്. 1.4 ലിറ്ററില്‍ തുടങ്ങി 2.0 ലിറ്ററില്‍ അവസാനിക്കുന്നു ഇവ. 90നും 135നും ഇടയിലാണ് ഈ എന്‍ജിനുകളുടെയെല്ലാം കുതിരശക്തി.

പ്രായോഗികത

ശരിയായി വിലയിടുകയാണെങ്കില്‍ ഇന്ത്യയെ സംബന്ധിച്ചിടത്തോളം ഏറെ പ്രായോഗികമാണ് ഈ വാഹനമെന്നു കാണാം. മികച്ച സ്‌പേസ് പ്രദാനം ചെയ്യുന്നുണ്ട് ഡോബ്ലോ. അന്താരാഷ്ട്ര വിപണിയില്‍ 7 സീറ്ററായി എത്തുന്ന ഡോബ്ലോയെ ഇന്ത്യയ്ക്കായി സീറ്റുകളുടെ എണ്ണം കൂട്ടി വിട്ടുവീഴ്ച ചെയ്യാവുന്നതാണ്.