ഓഡിയും ഗൂഗിളും ചേർന്ന് ചന്ദ്രനിലേക്ക്?

രണ്ട് സ്റ്റീരിയോസ്കോപിക് കാമറകളാണ് ഓഡി ലൂണാർ ക്വട്രോയിൽ ഘടിപ്പിച്ചിരിക്കുന്നത്. പ്രതലം നിരീക്ഷിക്കുന്നതിനാവശ്യമായ ചിത്രങ്ങളെടുക്കുന്നതിന് ഒരു സയന്റിഫിക് കാമറയും ചേർത്തിരിക്കുന്നു.

സോളാർ പാനലുകളും ലിതിയം അയേൺ ബാറ്ററിയുമെല്ലാം ചേർന്ന സംവിധാനമാണ് ഓഡി ലൂണാർ ക്വട്രോയ്ക്ക് ഊർ‌ജം പകരുന്നത്. വീലുകൾക്ക് 360 ഡിഗ്രിയിൽ തിരിയാൻ സാധിക്കും. സ്പേസ് അലൂമിനിയം, മാഗ്നീഷ്യം തുടങ്ങിയ ദ്രവ്യങ്ങളാണ് ഓഡി ലൂണാറിന്റെ നിർമാണത്തിനായി ഉപയോഗിച്ചിരിക്കുന്നത്. ചന്ദ്രനിലെ റേഡിയേഷൻ സാധ്യതകളെ അതിജീവിക്കാൻ ശേഷിയുണ്ട് ഈ ദ്രവ്യങ്ങൾക്ക്. ഭാരക്കുറവ് മറ്റൊരു പ്രത്യേകതയാണ്.

ഈ ചാന്ദ്രവാഹനം ഓഡി ഒഴിവുസമയത്തുണ്ടാക്കിയതൊന്നുമല്ല. ഒരു വൻ കോംപറ്റീഷന്റെ ഭാഗമായി നിർമിച്ചെടുത്തതാണ്. 30 ദശലക്ഷം ഡോളർ സമ്മാനമായി ലഭിക്കുന്ന ഒരു മത്സരമാണിത്. നടത്തുന്നത് ഗൂഗിൾ!

ഒരു പ്രൈവറ്റ് വാഹനം ചന്ദ്രനിലിറക്കുക എന്നതാണ് ലക്ഷ്യം. ഇതിനായി ഏറ്റവും കാര്യക്ഷമമായി പ്രവർത്തിക്കുന്ന ഒരു വാഹനം നിർമിച്ചെടുക്കണം. ഈ മത്സരം അതിനുള്ളതാണ്.

വരുംതലമുറയ്ക്കു വേണ്ടിയുള്ള ഒരു പ്രയത്നമായിട്ടാണ് ഗൂഗിൾ തങ്ങളുടെ ഈ നീക്കത്തെ വിശേഷിപ്പിക്കുന്നത്. വരുംതലമുറയിലെ സയന്റിസ്റ്റുകൾ, എൻജിനീയർമാർ, ബഹിരാകാശ പര്യവേക്ഷർ തുടങ്ങിയവർക്ക് അടിസ്ഥാനം നിർമിച്ചു കൊടുക്കുക എന്നതാണ് ഗൂഗിളിന്റെ താൽപര്യം.

ഉയർന്ന ശേഷിയുള്ള വീഡിയോകളും ചിത്രങ്ങളും അയയ്ക്കാൻ കഴിവുള്ളതാകണം നിർമിക്കുന്ന വാഹനം. അഞ്ഞൂറ് മീറ്റർ സഞ്ചരിക്കാൻ കഴിയണം വാഹനത്തിന്.

ചിത്രത്തിൽ അപ്പോളോ

അങ്ങേയറ്റം കടുത്ത കാലാവസ്ഥകളെ നേരിടാൻ ശേഷിയുള്ളതായിരിക്കണം ഈ വാഹനം. ഒന്നാംസ്ഥാനം നേടുന്ന ടീമിന് 20 ദശലക്ഷം ഡോളർ സമ്മാനമായി ലഭിക്കുക. രണ്ടാം സ്ഥാനത്തെത്തുന്ന ടീമിന് 5 ദശലക്ഷം ഡോളറും ലഭിക്കും. ഈ സമ്മാനത്തിനായി പ്രയത്നിക്കുന്ന ഒരു ടീമിന് സാങ്കേതിക സഹായം ചെയ്യുകയാണ് ഓഡി ചെയ്തിട്ടുള്ളത്.

വീഡിയോ