ഓഡി ക്യു1 ഇന്ത്യയിലേക്ക് വരുമോ?

രണ്ടായിരത്തി ഇരുപതാമാണ്ടോടെ പുതിയ അറുപത് മോഡലുകള്‍ ലോകവിപണികളില്‍ എത്തിക്കാന്‍ പദ്ധതിയിട്ടിട്ടുണ്ട് ഓഡി. പ്രീമിയം കാറുകളുടെ വിഭാഗത്തില്‍ തങ്ങളുടെ പ്രധാന എതിരാളികളായ ബിഎംഡബ്ല്യുവിനെയും മെഴ്‌സിഡിസ്സിനെയും മറികടക്കുക എന്നതു തന്നെയാണ് പ്രാഥമിക ലക്ഷ്യം.

ഇക്കൂട്ടത്തില്‍ പെടുന്ന ഒരു മോഡലാണ് ക്യു1 എസ്‌യുവി. ഈ വാഹനം ലോകവിപണിയിലേക്ക് 2016ല്‍ എത്തിച്ചേരുമെന്നാണ് വാര്‍ത്തകള്‍ പറയുന്നത്.

ഈ വാഹനം ഇന്ത്യന്‍ നിരത്തിലെത്തുമോ എന്ന കാര്യത്തില്‍ ഓഡി ഒന്നും വിട്ടു പറഞ്ഞിട്ടില്ല. എങ്കിലും, പ്രീമിയം കാറുകള്‍ക്ക് വലിയ വില്‍പനയുള്ള ഇന്ത്യയിലേക്ക് ഈ വാഹനത്തിന് വരാതിരിക്കാന്‍ കഴിയില്ല എന്നാണ് വിലയിരുത്തപ്പെടുന്നത്.

ക്യു3, ക്യു5, ക്യൂ7 എ്‌നീ മോഡലുകള്‍ ഇന്ന് ഇന്ത്യയില്‍ വില്‍ക്കുന്നുണ്ട് ഓഡി. ഈ മോഡലുകള്‍ മികച്ച നിലയില്‍ വില്‍ക്കുന്നുമുണ്ട്.

ചെറിയ ആഡംബര വാഹനങ്ങള്‍ക്ക് വലിയ പ്രിയമുള്ള മാര്‍ക്കറ്റാണ് ഇന്ത്യയുടേത്. ഇക്കാരണത്താല്‍ തന്നെ ഓഡി ക്യു1 രാജ്യത്തെത്തുമെന്ന് തീര്‍ച്ചയായും പ്രതീക്ഷിക്കാവുന്നതാണ്.