1,01,597 ഷെവർലെ ബീറ്റ് മോഡലുകൾ തിരിച്ചുവിളിക്കുന്നു

അമേരിക്കൻ വാഹനനിർമാതാവായ ഷെവർലെയുടെ ബീറ്റ് ഹാച്ച്ബാക്കിന് തിരിച്ചുവിളി. ക്ലച്ച് പെഡൽ ലീവറിന് സംഭവിക്കാനിടയുള്ള തകരാർ പരിഹരിക്കാനാണിത്.

1,01,597 യൂണിറ്റ് ബീറ്റ് മോഡലുകൾക്ക് ഈ തകരാറുണ്ടെന്നാണ് അറിയുന്നത്. ഷെവർലെ ഈ പ്രശ്നം സൗജന്യമായി പരിഹരിച്ചുനൽകും. ഉടമസ്ഥർ അടുത്തുള്ള ഷെവർലെ ഷോറൂമിലേക്ക് വാഹനമെത്തിച്ചാൽ മാത്രം മതി.

ഡിസംബർ 2010നും ജൂലൈ 2014നും ഇടയ്ക്ക് നിർമിക്കപ്പെട്ട മോഡലുകൾ മാത്രമാണ് തിരിച്ചുവിളിയിൽ ഉൾപെട്ടിട്ടുള്ളത്. പ്രശ്നബാധിത മോഡലുകളുടെ ഉടമകളെ ഡീലർമാർ നേരിട്ട് ബന്ധപ്പെടും.