റെഡി-ഗോ മോഡലിനു മുമ്പേ ഡാറ്റ്സൻ ഗോക്രോസ് എത്തും

2015 ടോക്കിയോ മോട്ടോർഷോയിൽ ഗോ ക്രോസ്സ് മോഡൽ അവതരിപ്പിക്കപ്പെട്ടിരുന്നു. നിലവിലുള്ള ഗോ ഹാച്ച്ബാക്കിന്റെ അതേ പ്ലാറ്റ്ഫോമിൽ നിർമിച്ച വാഹനമാണിത്.

വാഹനത്തിന് ചുറ്റുമായി പ്ലാസ്റ്റിക് ക്ലാഡിങ് നൽകിയത് ശ്രദ്ധിക്കുക. കാറിന് സ്പോർടി സൗന്ദര്യം പകരാൻ ഈ ക്ലാഡിങ്ങുകൾക്ക് സാധിക്കുന്നു.

മികച്ച ഗ്രൗണ്ട് ക്ലിയറൻസ് വാഹനത്തിനുണ്ടെന്നത് ചിത്രങ്ങളിൽ നിന്ന് വ്യക്തമാണ്. റൂഫിൽ റെയിലുകൾ ഘടിപ്പിച്ചിട്ടുണ്ട്. ഏതാണ്ട് ഉൽപാദനത്തോടടുത്ത മോഡലാണ് ടൊക്കോയോവിൽ അവതരിപ്പിച്ചിട്ടുള്ളത്.

ഹെഡ്‌ലാമ്പിനു തൊട്ടു താഴെയായിട്ടാണ് ഫോഗ് ലാമ്പുകൾ ചേർത്തിരിക്കുന്നത്. ഇത് വാഹനത്തിന് ഒരൽപം പരുക്കൻ സൗന്ദര്യം നൽകുന്നുണ്ട്. സ്കോഡ യതിയുടെ മുൻ പതിപ്പിൽ ഇതേ ഡിസൈനാണ് ഉണ്ടായിരുന്നത്.

1.5 ലിറ്റർ ശേഷിയുള്ള ഡീസൽ എൻജിനായിരിക്കും ഗോ ക്രോസ്സിൽ ചേർക്കുന്നത്. ഡസ്റ്റർ, ടെറാനോ എന്നീ മോഡലുകളിൽ ഈ എൻജിൻ ഘടിപ്പിച്ചിട്ടുണ്ട്. നാല് മീറ്ററിനു മുകളിലായിരിക്കും വാഹനത്തിന്റെ നീളം.