ഹോണ്ട ബിആർവി ലോഞ്ച് ചെയ്തു

ഇന്ത്യൻ നിലവാരത്തിൽ 10.93 ലക്ഷത്തിന് തത്തുല്യമായ ഇന്തോനീഷ്യൻ റുപ്പിയയാണ് വാഹനത്തിന്റെ തുടക്കവില.

1.5 ലിറ്റർ പെട്രോൾ എൻജിനാണ് വാഹനത്തിൽ ഘടിപ്പിച്ചിരിക്കുന്നത്. ഈ എൻജിനോടൊപ്പം 6 സ്പീഡ് മാന്വൽ ഗിയർബോക്സ് ചേർത്തിരിക്കുന്നു. ഒരു ഓട്ടോമാറ്റിക് ഗിയർബോക്സ് ഓപ്ഷണലായി നൽകിയിട്ടുണ്ട്.

118.31 കുതിരശക്തി ഉൽപാദിപ്പിക്കുന്ന പെട്രോൾ എൻജിനാണ് വാഹനത്തിലുള്ളത്. 145എൻഎം ആണ് പരമാവധി ടോർക്ക്. ഒരു ഡീസൽ എൻജിനും വാഹനത്തിലുണ്ട്.

ഇന്ത്യയിൽ ഫോഡ് ഇക്കോസ്പോർട്, ഹ്യൂണ്ടായ് ക്രെറ്റ, ഫോഡ് ഇക്കോസ്പോർട്, മാരുതി എസ് ക്രോസ്സ്, റിനോ ഡസ്റ്റർ എന്നീ മോഡലുകളാണ് ബിആർവിക്ക് എതിരാളികളായി വിപണിയിലുള്ളത്.

ഹോണ്ട ബ്രിയോയുടെ പ്ലാറ്റ്ഫോമിലാണ് ബിആർവി കൺസെപ്റ്റ് നിർമിച്ചിരിക്കുന്നത്. ബ്രിയോയുടെ പ്ലാറ്റ്ഫോമിൽ നിർമിക്കപ്പെട്ട അമേസ് സെഡാൻ ഇന്ത്യയിൽ മികച്ച നിലയിൽ വിറ്റുപോകുന്നുണ്ട്.

ഈ പുതിയ സെഗ്മെന്റിൽ ഹോണ്ടയ്ക്ക് വാഹനങ്ങളൊന്നുമില്ല. വിപണിയിൽ മറ്റ് കാർ നിർമാതാക്കളെ അപേക്ഷിച്ച് സ്ഥിരതയുള്ള വളർച്ച പ്രകടിപ്പിക്കുന്ന ബ്രാൻഡാണ് ഹോണ്ട. മത്സരത്തിൽ പിടിച്ചുനിൽക്കാൻ ഹോണ്ടയ്ക്കും വേണം ഒരു ചെറു യൂട്ടിലിറ്റി എന്നതാണ് കാര്യം.