ഹോണ്ട സിവിക് ടൂറർ ആക്ടിവ് ലൈഫ് കൺസെപ്റ്റ്

ഹോണ്ട സിവിക് ടൂറർ ആക്ടിവ് ലൈഫ് കൺസെപ്റ്റ് എന്നാണ് ഈ വാഹനത്തെ വിളിക്കേണ്ടത്. വാഹനത്തിന്റെ റൂഫിനു മുകളിൽ ഒരു ബോക്സ് ഘടിപ്പിച്ചിരിക്കുന്നത് കാണുക. ഇവിടെ അത്യാവശ്യ ആക്സസറികളെല്ലാം സൂക്ഷിക്കാം.

സിവിക് ടൂറർ എസ്റ്റേറ്റ് മോഡലിനെ ആധാരമാക്കിയാണ് ഈ കൺസെപ്റ്റിന്റെ നിർമാണം. ആക്ടിവ് ലൈഫ് കൺസെപ്റ്റിന് ഉൽപാദനപ്പതിപ്പുണ്ടാകുമോ എന്ന കാര്യം വ്യക്തമല്ല. ഒരുരക്ഷേ, പവലിയനിൽ ആളെക്കൂട്ടാനുള്ള ഒരു പരിപാടിയാകാനും വഴിയുണ്ട്.

സിവിക് ടൂറർ എസ്റ്റേറ്റ് എന്തുകൊണ്ടാണ് ആ പേരിന് അർഹമാകുന്നതെന്ന് തെളിഞ്ഞു കിട്ടും ഈ കൺസെപ്റ്റ് കാണുകയാണെങ്കിൽ. തികച്ചും സന്നാഹപ്പെട്ട ഒരു ടൂറിങ് വാഹനമായി മാറാൻ സിവിക് ടൂററിനുള്ള ശേഷിയെ എടുത്തുകാട്ടുകയാണ് ആക്ടിവ് ലൈഫ് കൺസെപ്റ്റ്.

സൈക്കിൾ അടക്കമുള്ള സാമാനങ്ങൾ കൊണ്ടുപോകാൻ പാകത്തിന് 1668 ലിറ്റർ ബൂട്ട് സ്പേസാണ് ഹോണ്ട സിവിക് ടൂററിൽ നൽകിയിരിക്കുന്നത്.

ടൂൾ ബോക്സ്, വാട്ടർ ടാങ്ക്, ഫ്രണ്ട് വീൽ ഹോൾഡർ തുടങ്ങിയ നിരവധി സന്നാഹങ്ങൾ കൺസെപ്റ്റിൽ നൽകിയിരിക്കുന്നു.