ഇന്ത്യൻ നിർമിത ഫോക്സ്‌വാഗൺ വെന്റോയ്ക്ക് ക്രാഷ് ടെസ്റ്റിൽ 5 സ്റ്റാർ റേറ്റിങ്

ഇന്ത്യയിൽ നിർമിച്ച ഫോക്സ്‌വാഗൺ വെന്റോ കാറിന് ക്രാഷ് ടെസ്റ്റിൽ 5 സ്റ്റാർ റേറ്റിങ് ലഭിച്ചു. ലാറ്റിൻ എൻസിഎപി നടത്തിയ ക്രാഷ് ടെസ്റ്റിലാണ് ഈ റേറ്റിങ് ലഭിച്ചത്.

മുതിർന്നവർക്കുള്ള സുരക്ഷയുടെ കാര്യത്തിലാണ് 5 സ്റ്റാർ റേറ്റിങ്. ലാറ്റിൻ എൻസിഎപി (ന്യൂ കാർ അസസ്മെന്റ് പ്രോഗ്രാം) പറയുന്നതു പ്രകാരം സെഗ്മെന്റിൽ ഏറ്റവും മികച്ച സുരക്ഷിതത്വം പ്രദാനം ചെയ്യുന്ന കാറാണ് വെന്റോ.

കുട്ടികളുടെ സുരക്ഷിതത്വത്തിന്റെ കാര്യത്തിൽ 3 സ്റ്റാർ റേറ്റിങ്ങാണ് വെന്റോ നേടിയിരിക്കുന്നത്.

ഡ്യുവൽ എയർബാഗ്, സീറ്റ് ബെൽറ്റ് പ്രീടെൻഷനർ, എബിഎസ് തുടങ്ങിയ സന്നാഹങ്ങൾ വെന്റോയിൽ ചേർത്തിട്ടുണ്ട്.

ഇന്ത്യയിൽ നിർമിച്ച് ലാറ്റിനമേരിക്കയടക്കമുള്ള പ്രേദശങ്ങളിലേക്ക് വെന്റോ കയറ്റി അയയ്ക്കുന്നുണ്ട്. പൂനെയിലെ ഛക്കൻ പ്ലാന്റിലാണ് വെന്റോ നിർമിക്കുന്നത്. ഏഷ്യൻ, ആഫ്രിക്കൻ രാജ്യങ്ങളിലേക്കും കയറ്റുമതിയുണ്ട്.