മഹീന്ദ്ര എസ്101 ചെറു എസ്‌യുവി നേരത്തെയെത്തും?

എസ്101 എന്ന ഒളിപ്പേരിൽ മഹീന്ദ്ര വികസിപ്പിച്ചെടുക്കുന്ന ചെറു എസ്‌യുവി കുറച്ച് വൈകി മാത്രമേ എത്തുകയുള്ളൂ എന്ന് വാർത്തകൾ കണ്ടിരുന്നു. അതല്ല, നേരത്തെ തന്നെ എത്തിച്ചേരുമെന്ന് പുതിയ ചില റിപ്പോർട്ടുകൾ പറയുന്നു. വരുന്ന ഇന്ത്യൻ എക്സ്പോയിൽ ഈ വാഹനത്തെ കാണാൻ കഴിഞ്ഞേക്കും.

2016 ഫെബ്രുവരി മാസത്തിലാണ് ഇന്ത്യൻ ഓട്ടോ എക്സ്പോ നടക്കുക. എസ്101 മോഡലിന്റെ ടെസ്റ്റ് പലയിടങ്ങളിലായി നടന്നുവരുന്നുണ്ട്.

ഈ വാഹനത്തിന് പേര് കെയുവി100 എന്നായിരിക്കുമെന്നും അതല്ല, എക്സ്‌യുവി100 എന്നായിരിക്കുമെന്നും വാർത്തകൾ വരുന്നുണ്ട്. ഈ വിഷയത്തിൽ മഹീന്ദ്ര ഇതുവരെ പ്രതികരിച്ചിട്ടില്ല.

1.5 ലിറ്റര്‍ ശേഷിയുള്ള ഡീസല്‍ എന്‍ജിനായിരിക്കും വാഹനത്തില്‍ ഘടിപ്പിക്കുക. നിലവില്‍ ക്വോണ്‍ടോയില്‍ ഉപയോഗിക്കുന്ന അതേ ടര്‍ബോ എന്‍ജിന്‍ തന്നെ.

സാങ്‌യോങ്ങുമായി ചേര്‍ന്ന് മഹീന്ദ്ര വികസിപ്പിച്ചുവരുന്ന 1.2 ലിറ്റര്‍ പെട്രോള്‍ എന്‍ജിനും ഈ വാഹനത്തില്‍ ഘടിപ്പിക്കുമെന്ന് കേൾക്കുന്നുണ്ട്.