എല്ലാ സെലെരിയോ പതിപ്പിലും എബിഎസ്സും എയർബാഗും!

മാരുതി സെലെരിയോയുടെ എല്ലാ വേരിയന്റിലും എബിഎസ്, എയർബാഗ് എന്നീ സുരക്ഷാ സന്നാഹങ്ങൾ നൽകാൻ തീരുമാനം. ഇവ പക്ഷെ, ഓപ്ഷണലായിരിക്കുമെന്നു മാത്രം. അതായത്, ഈ വേരിയന്റുകളെല്ലാം ഇപ്പറഞ്ഞ സുരക്ഷാ സംവിധാനങ്ങളില്ലാതെ തുടർന്നും ലഭിക്കും.

ഇന്ത്യൻ ഉപഭോക്താക്കൾക്കിടയിൽ കാറിലെ സുരക്ഷാ സംവിധാനങ്ങൾ സംബന്ധിച്ച ആശങ്കകൾ വളർന്നു തുടങ്ങിയ സന്ദർഭമാണിത്. സുരക്ഷിതമല്ലാത്ത വാഹനങ്ങൾ ഇന്ത്യൻ കമ്പനികൾ വിൽക്കുന്നതിനെതിരെ ആഗോളതലത്തിൽ വലിയ പ്രചാരണങ്ങളും നടക്കുന്നുണ്ട്.

1 ലിറ്ററിന്റെ 3 സിലിണ്ടര്‍ കെ സീരീസ് എന്‍ജിനാണ് വാഹനത്തിലുള്ളത്. 68 കുതിരശക്തി പകരുന്നു ഈ എന്‍ജിന്‍. 90 എന്‍എം ആണ് ചക്രവീര്യം.

5 സ്പീഡ് മാന്വല്‍ ട്രാന്‍സ്മിഷനിലും സെമി ഓട്ടോമാറ്റിക് ട്രാന്‍സ്മിഷനിലും പരിമിത പതിപ്പ് ലഭ്യമാണ്.