മാരുതി സെലെരിയോ ഡീസല്‍ അടുത്ത മാസം വിപണിയില്‍

ലോഞ്ച് തിയ്യതി?

2014 ഇന്ത്യന്‍ ഓട്ടോ എക്‌സ്‌പോയില്‍ ലോഞ്ച് ചെയ്യപ്പെട്ട സെലെരിയോയുടെ ഡീസല്‍ എന്‍ജിന്‍ പതിപ്പാണ് മെയ് മാസത്തില്‍ വിപണിയിലെത്താന്‍ പോകുന്നത്. കൃത്യം തിയ്യതി അറിവായിട്ടില്ല.

ഓട്ടോമാറ്റിക്?

ഡീസല്‍ എന്‍ജിനോടൊപ്പം മാന്വല്‍ ഗിയര്‍ബോക്‌സായിരിക്കും ഘടിപ്പിക്കുക എന്ന് കരുതുന്നു. ഓട്ടോമാറ്റിക് ഗിയര്‍ബോക്‌സ് ചേര്‍ക്കാനുള്ള സാധ്യത നന്നെ കുറവാണ്.

ഡിസൈന്‍?

വാഹനത്തിന്റെ നിര്‍മാണം ഇതിനകം തന്നെ തുടങ്ങിയിട്ടുണ്ട്. കാര്യമായ ഡിസൈന്‍ മാറ്റങ്ങളൊന്നുമില്ലാതെയായിരിക്കും സെലെരിയോ ഡീസല്‍ വിപണിയിലെത്തുക.

ടര്‍ബോ എന്‍ജിന്‍?

800 സിസി ശേഷിയുള്ള ഡീസല്‍ എന്‍ജിനാണ് സെലെരിയോയ്ക്കു വേണ്ടി വികസിപ്പിച്ചെടുത്തിരിക്കുന്നത്. ഈ എന്‍ജിന്‍ ടര്‍ബോചാര്‍ജറും ചേര്‍ത്ത് വാഹനത്തില്‍ ചേര്‍ക്കും. മാരുതിയുടെ വരാനിരിക്കുന്ന മിനിട്രക്കിലും ഇതേ എന്‍ജിനാണ് ഉപയോഗിക്കുക എന്ന് വ്യക്തമായിട്ടുണ്ട്.

മൈലേജ്

50 കുതിരശക്തിയാണ് മാരുതി സെലെരിയോ ഡിസല്‍ എന്‍ജിന്‍ ഉല്‍പാദിപ്പിക്കുന്നത്. 150 എന്‍എം ചക്രവീര്യവും വാഹനത്തിനുണ്ട്. 5 സ്പീഡ് മാന്വല്‍ ഗിയര്‍ബോക്‌സാണ് സെലെരിയോയിലുള്ളത്. ലിറ്ററിന് 30 കിലോമീറ്റര്‍ മൈലേജുണ്ട് സെലെരിയോ ഡീസലിന്.

വില?

പരമാവധി മത്സരക്ഷമമായ വിലയിലായിരിക്കും സെലെരിയോ ഡീസല്‍ ഹാച്ച്ബാക്ക് വിപണി പിടിക്കുക. 4.2 ലക്ഷത്തിന്റെ പരിസരത്തിലായിരിക്കും എക്‌സ്‌ഷോറൂം തുടക്കവില എന്ന് പ്രതീക്ഷിക്കാം.