മാരുതി എർറ്റിഗയ്ക്ക് പുതുക്കൽ

മാരുതി ഏർറ്റിഗയുടെ പുതുക്കിയ പതിപ്പ് ഇന്ത്യൻ വിപണിയിലെത്തി. 5,99,907 രൂപയാണ് ഈ പതിപ്പിന്റെ ഷോറൂം വില.

പുതിയ നിറങ്ങൾ ചേർത്താണ് 2015 എർറ്റിഗ വരുന്നത്. ബ്ലൂ, ബീജ് എന്നീ നിറങ്ങളാണ് പുതുതായി ചേർത്തിട്ടുള്ളത്.

സ്മാർട്ട് ഹൈബ്രിഡ് സാങ്കേതികതയോടെ നിർമിച്ച എർറ്റിഗയും വിപണിയിലുണ്ട്. ഈ പതിപ്പിന് ദില്ലി ഷോറൂം നിരക്ക് പ്രകാരം 9,25,358 രൂപയാണ് വില.

ബേസ് വേരിയന്റിൽ ഓപ്ഷണലായി നിരവധി സുരക്ഷാ സംവിധാനങ്ങൾ ചേർത്തിട്ടുണ്ട്. ഡ്യുവൽ ഫ്രണ്ട് എയർബാഗ്, എബിഎസ്, ഇബിഡി, പ്രീ ടെൻഷനർ ഫങ്ഷനിങ് ചേർത്ത സീറ്റ് ബെൽറ്റ് തുടങ്ങിയ സംവിധാനങ്ങൾ വാഹനത്തിലുണ്ട്.