വിദേശകാര്യമന്ത്രാലയം ഇ ക്ലാസ്സുകൾ വാങ്ങിക്കൂട്ടുന്നു

ഈയിടെ ജർമൻ ചാൻസലർ ആൻജെല മെർക്കേൽ ഇന്ത്യ സന്ദർശിച്ചിരുന്നു. ഈ സന്ദർശനത്തിനു പിന്നാലെയാണ് ഇന്ത്യ ജർഡമൻ കമ്പനിയായ മെഴ്സിഡിസ്സിന് ഓർഡർ നൽകുന്നത് എന്നത് ശ്രദ്ധേയമാണ്.

ഒന്നും രണ്ടുമല്ല, അമ്പത്തഞ്ചെണ്ണമാണ് വിദേശകാര്യമന്ത്രാലയം ഓർഡർ ചെയ്തിരിക്കുന്നത്. ഈ കാറുകൾ മന്ത്രാലയത്തിലെത്തുന്ന വിദേശ പ്രതിനിധികൾക്ക് സഞ്ചരിക്കാനായി ഉപയോഗിക്കും.

ഇ 250 സിഡിഐ ആഡംബര സെഡാനുകളാണ് വാങ്ങുന്നത്. ഇന്ത്യ ആഫ്രിക്ക ഫോറം സമ്മിറ്റ് നടക്കാനിരിക്കുന്നതു കൂടി മുന്നിൽക്കണ്ടാണ് ഈ വൻ പർച്ചേസ് നടത്തുന്നത്.

മന്ത്രാലയത്തിന്റെ ഈ നീക്കം മെഴ്സിഡിസ്സിന് ഒരു വൻ കിട്ടലാണ്. ഇ ക്ലാസ് ബ്രാൻഡിന് ഇതൊരു നല്ല അംഗീകാരമാണ് രാജ്യത്ത്.

2143സിസി ശേഷിയുള്ളതാണ് ഈ വാഹനത്തിലെ എൻജിൻ. മണിക്കൂറിൽ 100 കിലോമീറ്റർ വേഗത പിടിക്കാൻ വെറും 7.5 സെക്കൻഡ് നേരം മാത്രമേയെടുക്കൂ ഈ വാഹനം.