മെയ്ബാക്ക് ഇന്ത്യയിലേക്ക് സെപ്തംബർ 25ന്

മെഴ്സിഡിസ് ബെൻസ് തങ്ങളുടെ ഉപ ബ്രാൻഡായ മെയ്ബാക്കിനെ ഇന്ത്യയിലേക്ക് കൊണ്ടുവരുന്നു. സെപ്തംബർ 25നാണ് ഈ ആഡംബര കാർ ബ്രാൻഡിന്റെ ഇന്ത്യയിലേക്കുള്ള വരവ് സംഭവിക്കുക.

മെയ്ബാക്ക് എസ്600 മോഡലാണ് ഇന്ത്യയിൽ ആദ്യം ലോഞ്ച് ചെയ്യുക.

6.0 ലിറ്റർ ശേഷിയുള്ള വി12 എൻജിനാണ് മെയ്ബാക്കിൽ ഘടിപ്പിച്ചിരിക്കുന്നത്. ഈ പെട്രോൾ‌ എൻജിൻ 523 കുതിരശക്തി ഉൽപാദിപ്പിക്കുന്നു. 829.76 എൻഎം ആണ് ടോർക്ക്. ഒരു 7 സ്പീഡ് ഓട്ടോമാറ്റിക് ഗിയർബോക്സ് എൻജിൻ കരുത്ത് ചക്രങ്ങളിലെത്തിക്കും.

മെയ്ബാക്ക് എസ്600 മോഡലിനെ പൂർണമായും വിദേശത്തു നിർമിച്ച് ഇന്ത്യയിലേക്ക് കയറ്റുമതി ചെയ്യുകയാണ് മെഴ്സിഡിസ് ചെയ്യുന്നത്. ഷോറൂം വില ഏതാണ് 1,50,00,000 രൂപ വരും.

മെയ്ബാക്കിലെ സുരക്ഷാ സംവിധാനങ്ങൾ

• അറ്റൻഷൻ അസിസ്റ്റ്
• പ്രീ സേഫ്
• കൊളിഷൻ പ്രിവൻഷൻ അസിസ്റ്റ് പ്ലസ്
• മെഴ്സിഡിസ് എംബ്രേസ്
• സീറ്റ് ബെൽറ്റ് എയർബാഗുകൾ
• ഒക്കുപ്പൻഡ് ക്ലാസ്സിഫിക്കേഷൻ സിസ്റ്റം
• ഒമ്പത് എയർബാഗുകൾ