Click it and Unblock the Notifications
മാരുതിയുടെ ചെറു എസ്യുവിക്ക് പേരിട്ടു
മാരുതിയില് നിന്നുള്ള ചെറു എസ്യുവിയെ കാത്തിരിക്കുകയാണ് കാര് വാങ്ങാനുദ്ദേശിക്കുന്ന ഇന്ത്യാക്കാരില് വലിയൊരു വിഭാഗം പേര്. 2012ലെ ഇന്ത്യന് ഓട്ടോ എക്സ്പോയില് എക്സ്എ ആല്ഫ എന്ന പേരില് അവതരിപ്പിക്കപെട്ട ഈ കാറിന്റെ വരവ് കുറെയധികം വൈകിപ്പോയി എന്നു തന്നെ പറയണം. കടുത്ത മത്സരം നിലനില്ക്കുന്ന സെഗ്മെന്റില് ചെറിയ കാലത്തെ വൈകല് പോലും പൊറുക്കാനാവാത്ത അപരാധമാകുന്നു!
എന്തായാലും ഈ വാഹനം ഉടന് തന്നെ വിപണിയിലെത്തുമെന്നാണ് പ്രതീക്ഷിക്കുന്നത്. ചില ഊഹാപോഹങ്ങള് പറയുന്നതു പ്രകാരം ഈ എസ്യുവിയുടെ പേര് നിശ്ചയിച്ചു കഴിഞ്ഞു! കൂടുതല് വായിക്കാം താഴെ.
താളുകളിലൂടെ നീങ്ങുക.
മാരുതി വിറ്റാര ബ്രെസ (Vitarra Brezza) എന്നായിരിക്കും പുതിയ ചെറു എസ്യുവിയുടെ പേരെന്ന് വാര്ത്തകള് പറയുന്നു. ഈ പേര് മാരുതി ഇതിനകം തന്നെ രജിസ്റ്റര് ചെയ്തതായാണ് അറിയുന്നത്.
അഞ്ച് വേരിയന്റുകളില് വിറ്റാര ബ്രെസ വിപണിയിലെത്തുമെന്നും ഊഹങ്ങളുണ്ട്. വാഹനം ഇന്ത്യയില് ടെസ്റ്റിങ് തുടങ്ങിയിട്ടുണ്ട്.
അന്തര്ദ്ദേശീയ വിപണികളെക്കൂടി ഉദ്ദേശിച്ചാണ് മാരുതി എസ്യുവി എത്തുന്നത്. സുസൂക്കിയുടെ ബ്രാന്ഡിന് കീഴില് വിദേശങ്ങളില് ഈ കാര് വില്ക്കും.
1.3 ലിറ്റര് ഡീസല് എന്ജിന് ഘടിപ്പിച്ചായിരിക്കും വാഹനം എത്തുക. ഈ എന്ജിന് ഫിയറ്റില് നിന്നും സോഴ്സ് ചെയ്യുന്നതാണ്.
7.5 ലക്ഷത്തില് വിറ്റാര ബ്രെസയുടെ ബേസ് വേരിയന്റിന് വില കണ്ടേക്കും. എസ്എക്സ്4 ക്രോസ്സ് എന്ന പേരില് വരാനിരിക്കുന്ന ക്രോസ്സോവര് ഇതിനെക്കാള് ഉയര്ന്ന വിലയില് വിപണി പിടിച്ചേക്കും. ഈ രണ്ട് വാഹനങ്ങളും ഇക്കോസ്പോര്ടിനെയും ഡസ്റ്ററിനെയുമാണ് ലക്ഷ്യം വെക്കുന്നത്.
ഡസ്റ്ററിനെ എതിരിടാനെത്തുന്ന എസ്എക്സ്4 ക്രോസ്സ് ക്രോസ്സോവറിന് എട്ട് ലക്ഷത്തിന്റെ പരിസരത്തില് തുടക്കവില കണ്ടെക്കും. ഇന്ത്യയിലെ ആദ്യത്തെ മാരുതി ക്രോസ്സോവറായിരിക്കും ഈ വാഹനം.
Continue with Google