2016 ഫോഡ് ഇക്കോസ്പോർട് വിപണിയിൽ

ഇക്കോസ്പോർടിന്റെ 2016 മോഡൽ യുകെയിൽ വിൽപനയ്ക്കെത്തിയിരിക്കുകയാണ്. സ്റ്റൈലിങ്ങിൽ മാറ്റങ്ങൾ വരുത്തിയും പരിഷ്കരിച്ച എൻജിനുകൾ ചേർത്തുമാണ് പുതിയ ഇക്കോസ്പോർട് വരുന്നത്. യുകെയിൽ 14,245 പൗണ്ടിലാണ് പുതിയ ഇക്കോസ്പോർടിന്റെ വിലകൾ തുടങ്ങുന്നത്. വാഹനത്തിന്റെ ഡെലിവറി ഈ വർഷം അവസാനത്തോടെ തുടങ്ങും.

ഇപ്പോൾ വരുത്തിയിട്ടുള്ള പുതുക്കലുകളിൽ പലതും ഇന്ത്യയിലേക്കുള്ള അടുത്ത പുതുക്കലിൽ കാണാൻ സാധിക്കുമെന്നാണ് പ്രതീക്ഷിക്കേണ്ടത്. പിന്നിൽ സ്പെയർ വീൽ ഘടിപ്പിച്ച മോഡലാണ് നിലവിൽ ഇന്ത്യയിൽ വിൽക്കുന്നത്. 2016 മോഡലിൽ ഇതുണ്ടാവില്ല.

യുകെയിലേക്ക് ഈ വാഹനങ്ങൾ എത്തുന്നത് ഇന്ത്യയിൽ നിന്നാണെന്നുമറിയുക. ചെന്നൈ മറുമലൈനഗറിലുള്ള ഫോഡ് പ്ലാന്റിൽ നിന്നാണ് ഇവ യുകെയിലെത്തുന്നത്.

കാറിന്റെ സസ്പെൻഷനിൽ ചില സാങ്കേതിക മാറ്റങ്ങൾ വരുത്തിയിട്ടുണ്ട് ഫോഡ്. ഡീസൽ എൻജിന്റെ കരുത്ത് വർധിപ്പിക്കാനും സാധിച്ചിട്ടുണ്ട് ഫോഡിന്.

യുകെ മോഡലിൽ വരുത്തിയിട്ടുള്ള എല്ലാ സാങ്കേതിക മാറ്റങ്ങളും ഇന്ത്യൻ പതിപ്പിൽ പ്രതീക്ഷിച്ചുകൂടാ.