പുതിയ ഫോഡ് ഫിഗോ സെപ്തംബർ 23ന്

ഫോഡ് ഫിഗോയുടെ പുതുക്കിയ പതിപ്പ് ഇന്ത്യൻ വിപണിയിൽ സെപ്തംബർ 23ന് എത്തിച്ചേരുമെന്ന് വിവരം ലഭിച്ചു. ഈ മോഡൽ ഇതിനകം തന്നെ വിദേശവിപണികളിൽ പലതിലും എത്തിച്ചേർന്നിട്ടുണ്ട്.

ബ്രസീൽ വിപണിയിലാണ് പുതുക്കിയ ഫോഡ് ഫിഗോ ഹാച്ച്ബാക്ക് ആദ്യം എത്തിയത്. 2014 ജൂലൈ മാസത്തിലായിരുന്നു ഇത്.

2015 ഫിഗോ മോഡലില്‍ 1.2 ലിറ്റര്‍ ശേഷിയുള്ള ഒരു 3 സിലിണ്ടര്‍ പെട്രോള്‍ എന്‍ജിനാണുള്ളത്. 85 കുതിരശക്തിയും 107 എന്‍എം ചക്രവീര്യവും ഉല്‍പാദിപ്പിക്കാന്‍ കഴിവുണ്ട് ഈ എന്‍ജിന്. 5 സ്പീഡ് മാന്വല്‍ ഗിയര്‍ബോക്‌സാണ് എന്‍ജിനോട് ഘടിപ്പിച്ചിരിക്കുന്നത്. ഒരു 1.5 ലിറ്റർ ഡീസൽ എൻജിനും ലഭ്യമായിരിക്കും.

ഫോഡ് ഫിഗോ ഹാച്ച്ബാക്കിനെ ആധാരമാക്കി നിർമിക്കപെട്ട ഫിഗോ ആസ്പയർ മോഡൽ ഈയിടെയാണ് ഇന്ത്യയിലെത്തിയത്.