ഹോണ്ട എച്ച് ആര്‍വി വിപണിയില്‍

ഹോണ്ട എച്ച്ആര്‍വി ക്രോസ്സോവര്‍ അന്താരാഷ്ട്ര വിപണിയില്‍ അവതരിച്ചു. പുതിയ കാലത്തിന്റെ ഡിസൈന്‍ ശൈലി, ഇന്ധനക്ഷമത തുടങ്ങിയ വാഗ്ദാനങ്ങളാണ് ഈ വാഹനം നല്‍കുന്നത്.

രണ്ട് എന്‍ജിന്‍ പതിപ്പുകളാണ് വാഹനത്തിനുള്ളത്. 1.5 ലിറ്റര്‍ ശേഷിയുള്ള ഐവിടെക് പെട്രോള്‍ എന്‍ജിനും 1.6 ലിറ്ററിന്റെ ഐഡിടെക് ഡീസല്‍ എന്‍ജിനുമാണിവ.

പെട്രോള്‍ എന്‍ജിന്‍ 130 പിഎസ് കരുത്ത് ഉല്‍പാദിപ്പിക്കുന്നുണ്ട്. ഡീസല്‍ എന്‍ജിന്‍ ശേഷി 120 പിഎസ് ആണ്. രണ്ട് എന്‍ജിനോടൊപ്പവും 6 സ്പീഡ് മാന്വല്‍ ഗിയര്‍ബോക്‌സ് ലഭിക്കുന്നു. പെട്രോള്‍ എന്‍ജിനോടൊപ്പം 6 സ്പീഡ് ഓട്ടോമാറ്റിക് ഗിയര്‍ബോക്‌സാണ് ഘടിപ്പിച്ചിട്ടുള്ളത്.

453 ലിറ്റര്‍ ബൂട്ട് സ്‌പേസ് പ്രദാനം ചെയ്യുന്നുണ്ട് ഈ എസ്‌യുവി. പിന്‍സീറ്റുകള്‍ മടക്കിവെച്ചാല്‍ ഇത് 1026 ലിറ്റര്‍ ആയി വര്‍ധിപ്പിക്കാം.