പുതിയ മെഴ്‌സിഡിസ് ബി ക്ലാസ്സ് വിപണിയിലെത്തി

By Santheep

Updated: Thursday, March 12, 2015, 10:46 [IST]

മെഴ്‌സിഡസ് ബെന്‍സ് ബി ക്ലാസ്സിന്റെ പുതുക്കിയ പതിപ്പ് ഇന്ത്യന്‍ വിപണിയില്‍ പ്രവേശിച്ചു. ഈ വാഹനം 2014ല്‍ തന്നെ അവതരിച്ചിരുന്നു. പാരിസ് മോട്ടോര്‍ ഷോ യിലാണ് പുതുക്കിയ ബി ക്ലാസ്സിനെ ആദ്യമായി കണ്ടത്. 2015ല്‍ ഇന്ത്യന്‍ വിപണിയില്‍ 15 പുതിയ കാറുകളെത്തിക്കുമെന്ന് നേരത്തെ മെഴ്‌സിഡിസ് പ്രഖ്യാപിച്ചിരുന്നു. പുതുക്കിയ ബി ക്ലാസ് ആ പതിനഞ്ചില്‍ ഒന്നാണ്.

അകത്തും പുറത്തും നിര്‍ണായകമായ മാറ്റങ്ങളോടെയാണ് പുതിയ ബി ക്ലാസ് വിപണി പിടിക്കുന്നത്. കൂടുതല്‍ വിശദമായി താളുകളില്‍ അറിയാം.

പുതിയ മെഴ്‌സിഡിസ് ബി ക്ലാസ്സ് വിപണിയിലെത്തി

താളുകളിലൂടെ നീങ്ങുക.

വിലകള്‍

ബി ക്ലാസ്സിന്റെ പെട്രോള്‍ പതിപ്പിന് 27,95,000 രൂപയാണ് മുംബൈ എക്‌സ്‌ഷോറൂം നിരക്ക് പ്രകാരം വില. ഡീസല്‍ മോഡലിന് 28,95,000 രൂപയും വില വരുന്നു.

എന്‍ജിനുകള്‍

1.6 ലിറ്റര്‍ ശേഷിയുള്ള പെട്രോള്‍ എന്‍ജിനാണ് വാഹനത്തിലുള്ളത്. ഈ ഡയറക്ട് ഇന്‍ജക്ഷന്‍ എന്‍ജിന്‍ 122 കുതിരശക്തി ഉല്‍പാദിപ്പിക്കുന്നു. 200 എന്‍എം ആണ് ചക്രവീര്യം. മണിക്കൂറില്‍ 200 കിലോമീറ്റര്‍ വരെ വേഗതയില്‍ പായാന്‍ ഈ എന്‍ജിന് സാധിക്കും.

എന്‍ജിനുകള്‍

2.1 ലിറ്റര്‍ ശേഷിയുള്ള ഡീസല്‍ എന്‍ജിന്‍ ചേര്‍ത്തിരിക്കുന്നു ബി ക്ലാസ്സ് ഹാച്ച്ബാക്കില്‍. 136 കുതിരശക്തി ഉല്‍പാദിപ്പിക്കും ഈ എന്‍ജിന്‍. 300 എന്‍എം ആണ് ചക്രവീര്യം. മണിക്കൂറില്‍ 210 കിലോമീറ്റര്‍ വരെ വേഗത പിടിക്കാനുള്ള ശേഷിയുണ്ട് ഡീസല്‍ എന്‍ജിന്.