ടച്ച്സ്ക്രീനുമായി ഐ20യും ഐ20 ആക്ടിവും

ഐ20, ഐ20 ആക്ടിവ് എന്നീ വാഹനങ്ങളിൽ ടച്ച്സ്ക്രീൻ ഘടിപ്പിച്ച് ഹ്യൂണ്ടായ് വിപണിയിലെത്തിച്ചു. ഈ മോഡലുകൾ രാജ്യത്തെ എല്ലാ ഹ്യൂണ്ടായ് ഡീലർഷിപ്പുകളിലും ലഭിക്കുമെന്നാണ് അറിയുന്നത്.

7 ഇഞ്ച് ഡിസ്പ്ലേയുള്ള ഈ സിസ്റ്റം ഐ20 മോഡലിന്റെ ആസ്ത (ഓപ്ഷണൽ) വേരിയന്റിലും ഐ20 ആക്ടിവിന്റെ എസ്എക്സ് വേരിയന്റിലുമാണ് ടച്ച്സ്ക്രീൻ സിസ്റ്റം ലഭിക്കുക. ഇവ ഏറ്റവുമുയർന്ന വേരിയന്റുകളാണ്.

രണ്ട് കാറുകളുടെയും ഉയർന്ന പെട്രോൾ, ഡീസൽ പതിപ്പുകളിൽ ടച്ച്സ്ക്രീൻ ഓഡിയോ-വീഡിയോ-നാവിഗേഷൻ ചേർത്ത് ലഭിക്കും.

ടച്ച്സ്ക്രീൻ ചേർത്ത ഹ്യൂണ്ടായ് ഐ20, ഐ20 ആക്ടിവ് എന്നീ പതിപ്പുകളുടെ വിലകൾ.

• ഹ്യൂണ്ടായ് ഐ20 പെട്രോൾ ആസ്ത (ഓപ്ഷണൽ) - 7.49 ലക്ഷം
• ഹ്യൂണ്ടായ് ഐ20 ഡീസൽ ആസ്ത (ഓപ്ഷണൽ) - Rs 8.69 ലക്ഷം
• ഹ്യൂണ്ടായ് ഐ20 ആക്ടിവ് എസ്എക്സ് പെട്രോൾ - 8.30 ലക്ഷം
• ഹ്യൂണ്ടായ് ഐ20 ആക്ടിവ് എസ്എക്സ് ഡീസൽ - 9.61 ലക്ഷം