ഫോക്‌സ്‌വാഗണ്‍ ടിഗ്വാന്‍ അടുത്ത ഏഴ് മാസത്തിനുള്ളില്‍ ഇന്ത്യയിലേക്ക്

2016 ആദ്യത്തില്‍ തന്നെ ഈ വാഹനം വിപണിയിലെത്തുമെന്നാണ് ഉറപ്പായിരിക്കുന്നത്. രാജ്യത്ത് കൂടുതല്‍ ശക്തമായി നിലയുറപ്പിക്കുന്ന എന്ന നയപരിപാടിയാണ് ഫോക്‌സ്‌വാഗണ്‍ നടപ്പാക്കി വരികയാണ്.

2.0 ലിറ്റര്‍ ശേഷിയുള്ള പെട്രോള്‍ എന്‍ജിനായിരിക്കും വാഹനത്തില്‍ ഘടിപ്പിക്കുക. 147.88, 187.32, 236.62 എന്നീ കുതിരശക്തികളില്‍ ട്യൂണ്‍ ചെയ്ത് ലഭ്യമാണ് ഈ എന്‍ജിന്‍. ഇന്ത്യയില്‍ ഇവയില്‍ ഏത് എന്‍ജിനാണ് ലഭ്യമാക്കുക എന്ന് വ്യക്തമായിട്ടില്ല.

ഒരു 6 സ്പീഡ് മാന്വല്‍ ഗിയര്‍ബോക്‌സായിരിക്കും എന്‍ജിനോടൊപ്പം ചേര്‍ക്കുന്നത്.

സെഗ്മെന്റില്‍ കടുത്ത മത്സരത്തിന് കളമൊരുങ്ങുന്ന സാഹചര്യത്തില്‍ വിപണിയിലെ എതിരാളികള്‍ സ്വയം പുതുക്കുവാന്‍ തയ്യാറായിട്ടുണ്ട്. ഫോഡ് എന്‍ഡീവര്‍, ടൊയോട്ട ഫോര്‍ച്യൂണര്‍ എന്നിവയുടെ പുതുക്കിയ പതിപ്പുകള്‍ അടുത്തുതന്നെ വിപണി പിടിക്കും.

7 സീറ്റുകളാണ് ഫോക്‌സ്‌വാഗണ്‍ ടിഗ്വാനിലുള്ളത്. ഫോര്‍ വീല്‍ ഡ്രൈവായിരിക്കും വാഹനത്തില്‍ ഘടിപ്പിക്കുക.

ഇന്ത്യയില്‍ 20 ലക്ഷത്തിനും 30 ലക്ഷത്തിനുമിടയില്‍ വിലയുണ്ടായിരിക്കുമെന്നാണ് പ്രതീക്ഷിക്കേണ്ടത്.