റിനോയും നിസ്സാനും തമിഴ്‌നാട്ടില്‍ 5000 കോടി നിക്ഷേപിക്കുന്നു

റിനോയുടെയും നിസ്സാന്റെയും സംയുക്ത ഉടമസ്ഥതയില്‍ തമിഴ്‌നാട്ടില്‍ സ്ഥിതി ചെയ്യുന്ന വാഹനനിര്‍മാണ കേന്ദ്രം വികസിപ്പിക്കാനായി 5,000 കോടി രൂപയുടെ നിക്ഷേപം നടത്തുന്നു

ഇന്ത്യന്‍ വിപണിയില്‍ മുന്നേറാന്‍ കഴിയുമെന്ന് ഇരുകമ്പനികളും ആത്മവിശ്വാസം കൈവരിച്ചതിന്റെ അടയാളമായിട്ടാണ് ഈ നിക്ഷേപ പദ്ധതിയെ ലോകം കാണുന്നത്.

ഇന്ത്യയില്‍ ഒരു ചെറുകാര്‍ പുറത്തിറക്കാന്‍ റിനോയ്ക്ക് പദ്ധതിയുണ്ട്. റിനോ-നിസ്സാന്‍ സഖ്യപ്രകാരം ഈ വാഹനം നിസ്സാന്റെ ബാഡ്ജിലും പുറത്തിറങ്ങുമെന്നാണ് കരുതേണ്ടത്. ആള്‍ട്ടോ 800 മോഡലിനെ നേരിട്ട് എതിരിടുന്ന ഈ കാര്‍ കൂടുതല്‍ വോള്യം വില്‍പന കണ്ടെത്തികയാണെങ്കില്‍ ഉല്‍പാദനം വര്‍ധിപ്പിക്കേണ്ടതായി വരും.

ഇന്ത്യയില്‍ നിന്നുള്ള കയറ്റുമതിക്കു വേണ്ടിയാണ് പ്രധാനമായും ഈ നിക്ഷേപം എന്നാണറിയുന്നത്. നിലവില്‍, വര്‍ഷത്തില്‍ 4 ലക്ഷം യൂണിറ്റ് ഉല്‍പാദിപ്പിക്കാനുള്ള ശേഷിയാണ് ഇവരുടെ പ്ലാന്റിനുള്ളത്.

നിസ്സാന് തങ്ങളുടെ ഡാറ്റ്‌സന്‍ ഉപബ്രാന്‍ഡിനെ കൂടുതല്‍ പുഷ്ടിപ്പെടുത്താനുള്ള പദ്ധിയും നടപ്പിലുണ്ട്. ഇതിനെല്ലാം പൂര്‍ണസജ്ജമായ പ്ലാന്റ് ആവശ്യമാണ്.