മാരുതി വൈആർഎ-ക്ക് പേരിട്ടു: ബലെനോ!

സുസൂക്കി ഐകെ-2 കൺസെപ്റ്റ് ജനീവ മോട്ടോർഷോയിലാണ് ആദ്യമായി അവതരിപ്പിക്കപ്പെട്ടത്. ഇന്ത്യയിലേക്ക് ഈ ഹാച്ച്ബാക്ക് വരുന്നുണ്ടെന്ന് നേരത്തെതന്നെ പ്രഖ്യാപിക്കപ്പെട്ടിരുന്നു. മാരുതി സുസൂക്കി ഈ വാഹനത്തെ ഇന്ത്യയ്ക്കനുയോജ്യമായ രീതിയിൽ വികസിപ്പിച്ചെടുത്തു വരികയായിരുന്നു. നിരവധിയിടങ്ങളിൽ വെച്ച് ഈ കാറിനെ ടെസ്റ്റ് ചെയ്യുന്ന നിലയിൽ കണ്ടെത്തുകയുണ്ടായി.

പുതിയ വാർത്തകൾ പറയുന്നത് ഈ പുതിയ ഹാച്ച്ബാക്കിന് പേരിട്ടുവെന്നാണ്. അന്താരാഷ്ട്രവിപണിയിൽ ബലെനോ എന്ന പേരിലായിരിക്കും ഈ കാർ വിൽക്കുക.

ഇന്ത്യയിലും ഈ പേരുതന്നെ സ്വീകരിക്കാനുള്ള സാധ്യതയുണ്ടെന്ന് കേൾക്കുന്നു. പ്രീമിയം നിലവാരത്തിലുള്ള ഹാച്ച്ബാക്ക് മോഡലാണിത്. സ്വിഫ്റ്റ് ഹാച്ച്ബാക്കിനു മുകളിൽ വില വരുന്ന വിധത്തിൽ.

സുസൂക്കി പുതുതായി വികസിപ്പിച്ചെടുത്ത ബൂസ്റ്റ്ജെറ്റ് ടർബോ ചാർജ്ഡ് പെട്രോൾ എൻജിനാണ് ബലെനോയിൽ ചേർക്കുക.