രണ്ട് സുസൂക്കി കണ്‍സെപ്റ്റുകള്‍ അവതരണത്തിന് തയ്യാറാകുന്നു

2015 ജനീവ മോട്ടോര്‍ഷോയിലേക്ക് സുസൂക്കിയില്‍നിന്ന് രണ്ട് പുതിയ കണ്‍സെപ്റ്റുകളാണ് വന്നു ചേരാനിരിക്കുന്നത്. മാര്‍ച്ച് മൂന്നിനാണ് ജനീവ മോട്ടോര്‍ഷോ തുടങ്ങുന്നത്.

ജനീവയിലേക്കുള്ള കണ്‍സെപ്റ്റുകളുടെ ഒളിപ്പേരുകള്‍ മാത്രമേ ഇപ്പോള്‍ കമ്പനി പുറത്തു വിടുന്നുള്ളൂ. ഐകെ-2, ഐഎം-4 എന്നിങ്ങനെയാണ് കണ്‍സെപ്റ്റുകളുടെ ഒളിപ്പേരുകള്‍.

ഐഎം-4
ഇതൊരു ചെറുകാറാണ്. രൂപത്തില്‍ നിന്ന് മനസ്സിലാക്കാനാവുന്നത്, ഇക്കോസ്‌പോര്‍ട് പോലെയുള്ള വാഹനങ്ങളെ എതിരിടാന്‍ ശേഷിയുള്ള ഒരു ചെറു എസ്‌യുവിയാണ് ഇതെന്നാണ്.

ഐകെ-2
ഇത് വലിപ്പമേറിയ ഒരു ക്രോസ്സോവര്‍ മോഡലാണ്. ഹാര്‍മനൈസ്ഡ് ഫോഴ്‌സ് എന്നു പേരായ ഒരു ഡിസൈന്‍ കണ്‍സെപ്റ്റാണ് ഈ വാഹനത്തിന്റെ നിര്‍മാണത്തിനു പിന്നില്‍ പ്രവര്‍ത്തിച്ചിരിക്കുന്നത്.

കൂടുതല്‍ വിവരങ്ങളൊന്നും തന്നെ ഇപ്പോള്‍ ലഭ്യമല്ല. മാര്‍ച്ച് മൂന്നിനു ശേഷം വിശദാംശങ്ങള്‍ പുറത്തുവിടുമെന്നാണ് പ്രതീക്ഷിക്കുന്നത്.

ജനീവ മോട്ടോര്‍ഷോയുടെ 85ാമത് പതിപ്പാണ് അരങ്ങേറാന്‍ പോകുന്നത്.