ടാറ്റ പെലിക്കണ്‍; ആള്‍ട്ടോയെ എതിരിടാന്‍ 'വലിയ നാനോ!'

ചിത്രങ്ങളിലൂടെ നീങ്ങുക.

Images are representational.

പെലിക്കണ്‍ എന്നാണ് ഈ നാനോ അധിഷ്ഠിത ഹാച്ച്ബാക്കിന് പേര്. എക്‌സ്302 എന്ന പ്ലാറ്റ്‌ഫോമിലാണ് നിര്‍മാണ്. ഈ പ്ലാറ്റ്‌ഫോം തന്നെയാണ് ടാറ്റയുടെ നാനോ ഹാച്ച്ബാക്കില്‍ ഉപയോഗിച്ചിരിക്കുന്നത്. പുതിയ, വലിപ്പമേറിയ വാഹനത്തിനായി കുറെ മാറ്റങ്ങള്‍ വരുത്തിയിട്ടുണ്ടെന്നു മാത്രം.

രണ്ട് എന്‍ജിനുകളാണ് പെലിക്കണ്‍ ഹാച്ച്ബാക്കിനായി ടാറ്റ തയ്യാറാക്കിയിരിക്കുന്നത്. ഒരു 800 സിസി ഡീസല്‍ എന്‍ജിനും ഒരു 1 ലിറ്റര്‍ എന്‍ജിനും പെലിക്കണില്‍ ഘടിപ്പിക്കും. ഡീസല്‍ എന്‍ജിന്‍ ടര്‍ബോചാര്‍ജര്‍ ചേര്‍ക്കാതെ വിപണിയിലെത്തുമെന്ന് തോന്നുന്നില്ല. ഈ വാഹനം വിദേശങ്ങളിലേക്ക് കയറ്റിവിടാനും ടാറ്റയ്ക്ക് പദ്ധതിയുണ്ട്.

ഇന്ത്യയിലെ ഏറ്റവും വിലക്കുറവുള്ള ഡീസല്‍ കാറായിരിക്കും പെലിക്കണ്‍ എന്നൂഹിക്കാവുന്നതാണ്. 2016ല്‍ തന്നെ വാഹനം വിപണിയിലെത്തിയേക്കും. ഈ രണ്ട് എന്‍ജിനുകളും ടാറ്റ പുതുതായി വികസിപ്പിച്ചെടുത്തവയാണ്.

മാരുതി ആള്‍ട്ടോ റെയ്ഞ്ച് കാറുകളുടെ വില്‍പന 20,000 യൂണിറ്റിന്റെ പരിസരത്തിലാണ്, മാസത്തില്‍. ഈ വില്‍പനയെ ഏതെങ്കിലും തരത്തില്‍ വെല്ലുവിളിക്കാന്‍ നിലവിലെ എന്‍ട്രിലെവല്‍ ഹാച്ച്ബാക്ക് നിര്‍മാതാക്കള്‍ക്കൊന്നും സാധിച്ചിട്ടില്ല. സന്നാഹങ്ങള്‍ മാത്രം കണക്കിലെടുത്താന്‍ ഇതിനുശേഷിയുള്ള ഏക കാര്‍നിര്‍മാതാവാണ് ടാറ്റയെന്നു പറയാം.

എന്നാല്‍, എവിടെയെല്ലാമോ സംഭവിക്കുന്ന പിഴവുകള്‍ ടാറ്റയുടെ ഉല്‍പന്നത്തിന്റെയും സേവനങ്ങളുടെയും ഗുണനിലവാരം കുറയ്ക്കുന്നുണ്ട്. ഇത്തരം പ്രശ്‌നങ്ങള്‍ പരിഹരിക്കാന്‍ കൊണ്ടുപിടിച്ച ശ്രമങ്ങള്‍ തുടങ്ങിയിട്ടുണ്ട് കമ്പനി. മാരുതി സുസൂക്കിയെ അപേക്ഷിച്ച് വളരെ കുറഞ്ഞ വിലനിലവാരത്തില്‍ പെലിക്കണ്‍ ലഭ്യമാക്കാന്‍ ടാറ്റയ്ക്ക് സാധിക്കും.

ഇതേസമയം, ടാറ്റയുടെ കൈറ്റ് ഹാച്ച്ബാക്ക് നിരത്തുകളില്‍ ടെസ്റ്റ് ചെയ്തുവരുന്നുണ്ട്. ഈ വാഹനം ഇന്‍ഡികയ്ക്ക് പകരക്കാരനായാണ് വിപണിയിലെത്തുക. കൈറ്റിന്റെയും താഴെയായിരിക്കും പെലിക്കണിന്റെ സ്ഥാനം.